Saha Respýblıkasynyń úsh eldi mekeninde -57 gradýs aıaz tirkeldi.
Dúısenbi kúni tańerteń Saha Respýblıkasynyń 20-dan astam pýnktinde -50 jáne odan tómen temperatýra tirkeldi. Bul týraly atalmysh memlekettiń Qorshaǵan ortanyń gıdrometeorologıa jáne monıtorıń basqarmasynan málim etti, dep habarlaıdy Almaty-akshamy.kz QazAqparatqa silteme jasap.
Máskeý ýaqytymen túngi 12-de Habardıno, Verhnevılúısk jáne Berdıgestáh pýnktilerinde -57 gradýs boldy. Pokrovsk, Olenka jáne Sýntar eldi mekenderinde termometr -56 gradýs, Tommot pen Núrbada -55 gradýs, Dorojnyı, Amga, Eıık jáne Vılúıskte -54 gradýs kórsetti. Iakýtskte aýa temperatýrasy – mınýs 50 gradýs.
Aıazǵa baılanysty Saha mektepteri 16-18 qańtar aralyǵynda qashyqtan oqýǵa aýystyryldy. 15 qańtarda Bilim jáne ǵylym mınıstri Irına Lúbımova aýa temperatýrasy -65 gradýsqa deıin tómendeýi múmkin ekenin eskertip, osyndaı buıryqqa qol qoıǵan bolatyn.