Reıstiń keshiktirilýinen ash qalǵan qazaqstandyq avıakompanıany sotqa berdi
Reıstiń keshiktirilgeni úshin jolaýshylardy tamaqtandyrmaǵan «Qazaq AIR» avıakompanıasy 600 myń teńgeden astam soma aıyppul tóleıtin boldy, dep habarlaıdy Almaty-akshamy.kz QazAqparatqa silteme jasap.
«Aqtóbe-Astana» baǵytyndaǵy reıs 4 saǵat 40 mınıtqa keshigip, jolaýshy tasymaldaýshy kompanıany sotqa berdi.
Aqtóbe qalalyq ákimshilik quqyqbuzýshylyq jónindegi mamandandyrylǵan aýdanaralyq soty qala turǵynynyń shaǵymyn qarady.
İs materıalyna súıensek, «Qazaq AIR» komanıasynyń áýe reısi 4 saǵat 40 mınýtqa keshikti. Kompanıa ókili «Aqtóbe-Astana» baǵytyndaǵy reıstiń keshigý sebebin ushaqtyń kesh kelýimen baılanystyrdy. Sot otyrysynda shaǵym túsirgen jolaýshy reıstiń keshiktirilýine baılanysty ózine tamaq pen sýsyn berilmegenin aıtty. QR «Áýe keńistigin paıdalaný jáne avıasıa qyzmeti týraly» zańyna sáıkes, «Qazaq AIR» kompanıasy jolaýshyny tamaqtandyrýy tıis bolǵan.
Alaıda tasymaldaýshy kompanıa ókili shaǵymmen kelispedi. Sol kúni reıstiń keshikkeni týraly aldyn ala habarlama berilip, tamaq pen sýsyn taratylatyny týraly aıtylǵan. Al D.Januzaq saǵat 00.40-ta aýqattanǵysy kelgen. Ol kezde aksıonerlik koǵammen kelisimshartqa otyrǵan dámhana jabyq bolǵan. Jolaýshyny tamaqtandyrý qıyndyǵy sodan týǵan. Sot otyrysy kezinde «Qazaq AIR» kompanıasynyń ókili isti toqtatýdy surady.
Sýdıa taraptardy tyńdaǵan soń, sheshimin shyǵardy. Sot úkimine súıensek, «Qazaq AIR» kompanıasyna 612 myń 600 teńge ákimshilik aıyppul salyndy.