5 qyrkúıekte Almaty mýzeıinde Qala kúni aıasynda Altynbek Qorazbaevtyń 75 jasqa tolýyna oraı «Saǵyndym Almatymdy» kórmesiniń saltanatty ashylýy ótedi, dep habarlaıdy Almaty-akshamy.kz.
Qazaqstan Respýblıkasynyń (1993 j.), Qyrǵyzstan Respýblıkasynyń (1994 j.) halyq ártisi, túrli ordender men marapattardyń ıesi, otandyq mádenıet salasynyń maqtanyshy Altynbek Qorazbaev tyńdarmandardyń shynaıy yqylasyna bólengen jan.
Búginde jalpaq qazaq, irgeles jatqan qyrǵyz, ózbek halyqtaryna esimi, shyǵarmashylyq joly jaqsy tanys Altynbek Qorazbaev ánshi-kompozıtor ǵana emes, sońynan shákirt ertip, baýlyp kele jatqan, ónerdegi mektebin de qalyptastyrǵan ustaz. Ol Jetisý án óneri mektebiniń uly dástúrin jalǵastyryp, damytýshy, izdenimpaz ári talǵampaz, eńbekqor, shyǵarmashyl tulǵa.
Kórmede Altynbek Qorazbaevtyń jeke zattary men fotoqujattary, dostary men áriptesterinen kelgen syılyqtary, sahnalyq kostúmderi, Almaty mýzeıi qorynan fotoqujattar usynylady.
Kórmeniń saltanatty ashylýynyń qonaqtary: Almaty qalasy Mádenıet basqarmasy ókilderi, shyǵarmashylyq ıntellıgensıa ókilderi, óner qaıratkerleri, BAQ jáne basqalar.
Ótetin orny men ýaqyty: Almaty q., Qabanbaı batyr k., 132
Bastalýy: saǵ 15.00-de.