Olar 5 jyl otasqan
Abaıtanýshy Omar Jáleldiń ekinshi áıeli Lázzat Myrzash onymen ne úshin ajyrasqanyn áleýmettik jelide jazdy, dep habarlady Almaty-akshamy.kz.
«Bes jyl otasyp, úsh balanyń ata-anasy atandyq. Bastapqyda Túrkıada oqyp jatqan jerime arnaıy kelip syrǵa-saqına taǵyp, kishi jarym bolasyń ba dep usynys jasaǵan bolatyn. Bergen ýádesinde turmaı, orta joldan balalarymmen tastap ketti. 5-8 aıǵa balalarymmen jalǵyz qaldyryp kete beretin. Balalaryma alıment tólemeıdi. Biraq bergen suhbattarynda «balalaryma kómektesip» turamyn degenine ashý-yzam keledi. Oǵan aqshasy bar, jaıly áıel kezdesken soń bizdiń otbasyny tastap ketti», - deıdi ol.
Lázzat Myrzash ataǵandaı, Omar Jáleldiń alǵashqy áıeli ekeýiniń úılenýine ruqsat bergen. Osylaısha, olar Túrkıada nekelerin qıǵan.
Ol Mańǵystaýda dáris ótkizgeli jatqan Omar Jáleldiń kýrsyn da synady.
«Myna azǵyn ilimdi mańǵaz Mańǵystaýǵa jaıylyp, urpaǵyńnyń aldynda masqara bolmaqshysyń ba? Bulardyń adasýshy ilimi kıeli de qasıetti jerde taraýǵa tıesili emes. Omar, saǵan eskertemiz, Adaıda kúıeý sabaý degen dástúr bar. Adaı esh ýaqytta qyzyn, qaryndasyn qorlatyp jylatyp qoımaǵan», - dep jazdy ol.