Halyqaralyq baıqaýshylarǵa qolǵabys kórsetý ortalyǵyndaǵy kezekti brıfıńte saılaý ýchaskelerindegi belsendilik artyp jatqanyn aıtty, dep habarlaıdy Almaty-akshamy.kz BAQ.KZ-ke silteme jasap.
Eshqandaı quqyqbuzýshylyqtardy baıqamadyq. Barlyǵy jaqsy. Tańerteń adam sany onsha kóp bolǵan joq. Sońǵy saǵatta saılaý ýchaskesine kóp adam kelip jatqanyn kórdik. Osylaı jalǵasady degen úmittemiz. Daýys berý demokratıalyq turǵydan jaqsy júrip jatyr. Saılaý ýchaskesinde jumys istep jatqan adamdar óz jumysyn, erejelerdi jaqsy biledi, - dedi ol.
Halyqaralyq Túrki akademıasynyń aǵa sarapshysy Tımýr Kozyrev te ózi aralaǵan ýchaskelerde tártipbuzýshylyq bolmaǵanyn jetkizdi.
Búgin Astana qalasynyń Almaty aýdanynda on shaqty ýchaske aralap shyqtyq. Endi Saryarqa aýdanynda jalǵastyramyz. Shynymen eshqandaı tártipbuzýshylyq baıqalǵan joq. Saǵat 10-nan bastap belsendilik artty, - dedi ol.
Al Azıadaǵy ózara is-qımyl jáne senim sharalary jónindegi keńes hatshylyǵy basshysynyń orynbasary Fan Chı óz sózinde saılaýshylar belsendiligimen qatar, eldegi demokratıa deńgeıine de toqtalyp ótti.
.jpg)
AÓSSHK ókilderi Qazaqstandaǵy saılaýdy baqylaýǵa birinshi ret kelip jatqan joq. Qazaqstandaǵy demokratıa deńgeıi damyp ári joǵarylap jatyr. Belsendilik joǵary. Keıbir adamdar daýys berýge otbasymen kelip jatty, - dedi Fan Chı.