Almaty qalasy saılaý boıynsha jalpyqalalyq baspasóz ortalyǵynyń alańynda AQSH atynan baqylaýshy, «Wikistrat Global Consultancy» aǵa ǵylymı qyzmetkeri, AQSH-tyń táýelsiz baqylaýshylarynyń Mısıasy múshesi Rıchard Ýılám Veıtstyń qatysýmen baspasóz konferensıasy ótti.
Ol óziniń Almatydaǵy saılaýdy baqylaý barysynda alǵan alǵashqy áserimen bólisti, dep habarlaıdy Almaty-akshamy.kz.
Spıkerdiń aıtýynsha, ol tań atqaly Almaty qalasyndaǵy 12 saılaý ýchaskesinde bolǵan, áli onyna barýǵa nıetti. Rıchard Ýılm Veıts onymen birge Qazaqstanǵa Táýelsiz baqylaýshylar mısıasynan taǵy úsh adam kelgen, búgin olar Astanada jumys istep jatyr.
«Bizdiń basty maqsatymyz – daýys berý kezinde bolý, sonymen qatar mańyzdy taǵy bir maqsat – Qazaqstandaǵy saıası, ekonomıkalyq, áleýmettik jaǵdaı kontekstinde saılaýdy baqylaý jáne baǵalaý úshin keńirek kontekstti qamtamasyz etý», - dedi ol.
Rıchard Ýılám Veıtstyń pikirinshe, Qazaqstandaǵy osy mańyzdy saıası kezeńde AQSH-tyń bolýy Amerıka-Qazaqstan qarym-qatynasynyń mańyzdylyǵyn, Qazaqstannyń Ortalyq Azıadaǵy, keńirek aıtqanda, Soltústik Atlantıkalyq qaýymdastyqtaǵy ómirlik mańyzdy rólin rastaıdy.
«Biz transulttyq lańkestikpen kúres, aımaqtyq qaqtyǵystardy retteý, ekonomıkalyq resýrstardy ıgerý, áleýmettik-ekonomıkalyq damý sıaqty salalarda yntymaqtasamyz», - dep atap ótti AQSH atynan kelgen baqylaýshy.
Sondaı-aq, ol bul saılaýda halyqtyń ynta-jigeri qyzyqtyrǵanyn aıtty, óıtkeni táýelsiz kandıdattar, plakattar men úgit-nasıhat jumystary kóp.
AQSH pen Qazaqstandaǵy saılaýdy salystyra otyryp, spıker AQSH-tyń saılaý júıesi Qazaqstannan aıtarlyqtaı erekshelenetinin atap ótti. Rıchard Ýılám Veıts bizdiń júıeni Germanıa men Fransıanyń saıası júıelerimen salystyrýǵa bolatynyn atap ótti. Usynystarǵa silteme jasaı otyryp, amerıkalyq baqylaýshy Qazaqstandaǵy pikirsaıystarǵa kóbirek aqsha bólýge bolar ma edi degen pikir aıtty, óıtkeni AQSH-ta, mysaly, oǵan mıllıondaǵan dollar jumsaıdy, al Qazaqstan áldeqaıda az aqsha bólinedi.
Aǵymdaǵy saılaýdy tikeleı baqylaýǵa qatysty spıker bylaı dedi: «Ázirge eshqandaı zań buzýshylyqty kórmedim, saılaý tynysh ótýde, daýys berýshiler az. Maǵan búgin jeksenbi bolǵandyqtan kúndiz jáne keshke adamdar kóp bolady dedi. Saılaýshylardyń basym bóligi úlken kisiler boldy. Jastar jeksenbi kúni tańerteń uıyqtap, kúndiz daýys bergendi jón kóredi», - dedi Rıchard Ýılám Veıts.