Úkim zańdy kúshine áli engen joq.
Jambyl oblysynda náreste satqan akýsherler sottaldy, dep habarlaıdy Almaty-akshamy.kz
«Bir sottalýshynyń jas balalarynyń bolýy jazany jeńildetetin mán-jaı retinde qarastyryldy. Jambyl oblysynda jańa týǵan náresteni sotqan akýsherler 8 jylǵa sottaldy», dep málimdedi oblystyq sot.
Júkti áıel byltyr qarashada júktilikti merziminen buryn toqtatpaq bolady.
"Ol aýrýhananyń perzenthana bóliminiń akýsherine habarlasqan. Dáriger pasıent júktiligin otbasynan jasyrǵanyn túsinip, óziniń áriptesinen bosanǵannan keıin balany satýǵa kómek suraǵan", - deıdi sot.
Osylaısha akýsherler jańa týǵan náresteni 1,5 mln teńgege satqan.
Sottalýshylardyń kinási jábirlenýshiniń zańdy ókiliniń, kýálerdiń aıǵaqtarymen, saraptamalardyń qorytyndysymen dáleldendi. Sottalýshylar kinásin ishinara moıyndady.
Bundaı qylmys jasaǵandarǵa QK-niń 135-baby 2-bóligi "Kámeletke tolmaǵandar saýdasy" boıynsha 9 jyldan 12 jylǵa deıin bas bostandyǵynan aıyrý jazasy qoldanylady.
"Bir sottalýshynyń jas balalarynyń bolýy jazany jeńildetetin mán-jaı retinde qarastyryldy. Aýyrlatatyn mán-jaılar anyqtalǵan joq. Jasalǵan qylmystyń sıpaty men qoǵamdyq qaýiptilik dárejesin,eskere otyryp, sottalýshylar 8 jylǵa bas bostandyǵynan aıyryldy", - deıdi vedomstvo.