Obaly kimge? Kıiktiń kıesi uryp júrmesin.
Kıik sanyn retteýge kirisken ınspektorlardyń áreketi halyqtyń narazylyǵyn týdyryp jatyr. Úkimettiń qaýlysymen kıikterdiń sanyn retteýge ruqsat berildi, dep habarlaıdy Almaty-akshamy.kz.
Azattyq-ruhy.kz-tiń málimetinshe, aqbókenderdiń eń kóp shoǵyrlanǵan jeri - BQO aýmaǵy. Elimizde kıik sany resmı derek boıynsha 2,6 mıllıonnan asady. Bıyl jeltoqsan aıyna deıin 300 myń kıikti aýlaýǵa ruqsat berilgen.
Búginde áleýmettik jelide "bazarda kıik eti satylyp jatyr, 1500 teńge/kg" degen habarlamalar tarap ketken. Jýrnalıs Farhat Abılovtyń feısbýktegi jazbasyna qaraǵanda, kıikterdi Oral dalasynan atyp, bir kún salqyndatyp, bazarǵa alyp keledi. Tipti whats app-tan arnaıy top ashyp, adamdar kezekke turady. Talasyp alyp jatqan kórinedi.
Áleýmettik jeli qoldanýshylary kıikterdi osyndaı jolmen joıý eshqandaı sanıtarlyq normaǵa saı kelmeıtinin aıtýda. Oqyrmandar "Baýyzdamaı atyp óltirgen kıiktiń etin adamdar qalaı jeıdi?", "Bularǵa eshkim ekpe de salmaǵan, erteń aýrý tarap júrmesin", "Qyzylordada 1450 degen baǵamen satyp jatyr, Oralǵa jaqyn, Atyraýda 1700 teńgege kóterip úlgerdi" degen syńaıdaǵy túrli pikirler qaldyrǵan.
Taǵy bir aqparat, kıikter Reseıge aýyp jatyr degen vıdeolar tarap jatyr. Osyǵan baılanysty taǵy bir pikirdi nazarlaryńyzǵa usynamyz:
"Kıiktiń sanyn retteý kerek.Biraq keshendi túrde. Al aýylsharýashylyqqa 12 mlrd teńge shyǵyn keldi degeni jalǵan. Bir sharýa qojalyq aqbókennen kelgen shyǵyndy naqty aıta almaıdy. Naqaqtan naqaq dala serkesine jala japty. Barlyq másele jerdi ondy-soldy taratyp tastaýda. Anaý tabıǵat bısharalarynyń baratyn jeri, basatyn taýy, ishetin sýy qalmady", - deıdi Sáken Dildahmet.