Otbasy banktiń salymshylary memlekettiń 138 000 teńge mólsherindegi eń joǵary syıaqysyn ala alady
Jyl saıyn turǵyn úı qurylysy jınaq aqsha júıesine qatysýshylarǵa 20% mólsherinde memleket syıaqysy tólenedi. Bul týraly Óńirlik komýnıkasıalar qyzmeti alańynda «Otbasy bank» AQ dırektory Danagúl Túsipova aıtty, dep habarlaıdy almaty-akshamy.kz
Memleket syılyqaqysy 200 AEK nemese 690 000 teńgeden aspaıtyn somaǵa esepteledi.
«Eger osy jyl ishinde Otbasy bankte depozıti bar adam osy qarajatty óz shotyna jınasa nemese olardy bir mezgilde engizse, onda ol 2023 jyldyń qorytyndysy boıynsha eń joǵary syılyqaqyny – 138 000 teńgeni alady. Memleket tarapynan 20% kóleminde bonýs alýǵa úlgerý úshin Otbasy banktiń salymshylary aǵymdaǵy jyldyń 29 jeltoqsanyna deıin óz depozıtterin tolyqtyryp úlgerýi tıis», - dedi D.Túsipova.
Sondaı-aq, ol jınaqtaý múmkindiginiń arqasynda 480 myńnan astam qazaqstandyq otbasynyń turǵyn úı máselesi sheshilgenin aıtty.
«Jaqyn arada qonys toıyn atap ótý úshin taǵy 2,7 mln qazaqstandyq aqsha jınaqtap jatyr. Bul máselede olarǵa memlekettiń qoldaýy da mańyzdy. Syılyqaqy tóleýge arnalǵan qarajat jyl saıyn respýblıkalyq búdjette kózdeledi. Ótken jyldyń qorytyndysy boıynsha 1,9 mln qazaqstandyq 75 mlrd teńge kóleminde memleket syılyqaqysyn aldy, - dep túsindirdi Otbasy banktiń Almaty qalalyq fılıalynyń dırektory Danagúl Túsipova.
Banktiń jyldyq 2% mólsherindegi syıaqysyn jáne memleket syılyqaqysyn eskergende Otbasy banktegi depozıtter boıynsha tıimdi mólsherleme jyldyq 14%-ǵa jetýi múmkin.
Spıker memleket syılyqaqysy buryn kótermelenbegen jınaqtarǵa ǵana esepteletinin aıtty. Iaǵnı, jyl saıyn aǵymdaǵy jyly jasalǵan jınaqtar men ótken jyly kótermelenbegen jınaqtardyń qaldyǵy esepke alynady. Eger bir salymshynyń bankte birneshe depozıti bolsa, onda memlekettiń syılyqaqysy olardyń bireýine ǵana esepteledi. Eger Otbasy banktiń salymshysy óz jınaq aqshasyn sheship alyp qoıýǵa sheshim qabyldasa jáne úsh jyldan az merzim boıy jınaqtaǵan depozıtin japsa, onda memlekettiń eseptelgen syılyqaqysy búdjetke qaıtarylady.
«Otbasy banktiń «Otbasylyq paketi» sheńberinde óz kirisińdi ulǵaıtýǵa bolady. Ol úshin Siz otbasynyń birneshe múshesine depozıt ashýyńyz kerek, sonda syılyqaqy ár salymǵa esepteledi. Mysaly, eger otbasy aıyna belgili bir somany únemdeýdi josparlaǵan bolsa, onda otbasy ony «Otbasylyq paket» sheńberinde birneshe salym arasynda bólý arqyly ár salym úshin memleket syılyqaqysyn alatyn múmkindikke ıe bolady. Sodan keıin qajetti somanyń jınaqtalýy tezirek bolady», - dep tolyqtyrdy ol.
Bank salymshysy jyljymaıtyn múlikti satyp alý týraly sheshim qabyldaǵannan keıin bir otbasynyń barlyq shottaryn biriktirip, qaryz alýǵa bolady. Búgingi tańda qazaqstandyqtar úshin eń qoljetimdi qaryz túri – turǵyn úı qaryzy. Mundaı qaryz shotta keminde 3 jyl merzim ishinde turǵyn úı qunynyń keminde 50%-y jınaqtalǵan jaǵdaıda beriledi. Qalǵan somanyń 50%-yn klıent jyldyq 3,5%-dan 5%-ǵa deıingi mólsherleme (JTSM 3,6%-dan bastap) boıynsha alady.
Otbasy bankte balalarǵa Otbasy banktiń dástúrli depozıtiniń kómegimen nemese «Arnaý» depozıtin paıdalana otyryp aqsha jınaqtaýǵa bolady. Onyń talaptary boıynsha kem degende 10 jyl ishinde turǵyn úı qunynyń 50%-yn jınaqtaý qajet. Depozıtke jınaqtaý kezinde banktiń syıaqysy men memlekettiń syılyqaqysy da esepteledi. Bul rette jınaqtaý merzimi ótkennen keıin qaryz boıynsha mólsherleme jyldyq 2%-dy (JTSM 2%-dan bastap) ǵana quraıdy. Standartty depozıt sheńberinde qaryz boıynsha eń tómengi mólsherleme 3,5%-dy (JTSM 3,6%-dan bastap) quraıdy.
Endi óz balańyzǵa depozıtti onlaın rejıminde asha alasyz. Jańa qyzmet otbasybank.kz portalynda qoljetimdi. Depozıtti 0 jastan 14 jasqa deıingi balaǵa onlaın ashýǵa bolady. 14 jastan bastap depozıtti balanyń ózi ata-anasynyń nemese basqa zańdy ókilderiniń (mysaly, qamqorshylardyń) kelisimimen bank bólimshesinde ashady.
Balaǵa depozıt ashý boıynsha onlaın qyzmet Astana qalasynyń ýaqyty boıynsha jumys kúnderi saǵat 9:00-den 17:00-ge deıin qoljetimdi.