Qaraǵandylyq oqýshy sabaqqa barmaý úshin bomba týraly jalǵan habarlama taratqan, dep habarlaıdy aqshamnews.kz.
Qaraǵandy oblysynda quqyq qorǵaý organdary Ybyraı Altynsarın atyndaǵy mektep-lıseıde jarylǵysh qurylǵylar ornatylǵany týraly eki ret jalǵan aqparat bergen kámeletke tolmaǵan oqýshyǵa qatysty qylmystyq is qozǵady. Bul oqıǵalar 2 jáne 3 qyrkúıekte bolǵan.
Ózin qala mektepteriniń biriniń oqýshysy retinde tanystyrǵan belgisiz adam tótenshe jaǵdaılar departamentiniń kezekshi bólimine habarlasyp, oqý ornyndaǵy "jarylǵysh zat" týraly aıtqan. Tekserý barysynda aqparat rastalmady. Jedel-izdestirý is-sharalary nátıjesinde Qaraǵandy oblysy polısıa departamentiniń ekstremızmge qarsy is-qımyl basqarmasynyń qyzmetkerleri mektep-lıseıdiń kámeletke tolmaǵan oqýshysynyń "jalǵan terorızmge" qatysy bar ekenin anyqtady, - delingen habarlamada.
Ustalǵan balanyń aıtýynsha, ol sabaqqa qatysqysy kelmeı, osyndaı qadamǵa barǵan. Onyń ata-anasy tárbıeleý boıynsha mindettemelerin oryndamaǵany úshin ákimshilik jaýapkershilikke tartyldy. Tergeý áreketteri jalǵasyp jatyr.