Ǵalymdar adam mıynan mıkroplastıkterdiń izderin tapty.
Bilikti mamandardyń aıtýynsha, búginde mıkroplastık adam mıynyń 0,5 paıyzyn qurasa, bolashaqta bul kórsetkish artady, dep habarlaıdy aqshamnews.kz.
Bul jaıynda islam.kz portaly The Hill aqparat kózine silteme jasaı otyryp málim etedi.
2024 jyly aýtopsıa, ıaǵnı, tekserý barysynda 45 pen 50 jas aralyǵyndaǵy adamdardyń mıynda gramyna shaqqanda 4,8 myń mıkrogramm konsentrasıada plasıkalyq bólshekter tabyldy, bul mólsher ulpa salmaǵynyń shamamen 0,5%-n quraıdy. Bul kórsetkish 2016 jylǵy mı úlgilerinde kezdesken mıkroplastık mólsherinen 50%-ǵa kóp. Bul taraptaǵy zertteý nátıjesinde mıda usaq plasmassalardyń konsentrasıasy, ıaǵnı, shoǵyrlaný deńgeıi baýyr nemese búırekke qaraǵanda joǵary ekeni jáne barlyq aǵzalardaǵy plasıktiń mólsheri ýaqyt óte kele aıtarlyqtaı artqany anyqtalyp otyr. Al mıǵa jınalǵan mıkroplastıktiń emi joq Alsgeımer sekildi aljý dertiniń paıda bolý qaýpin arttyratyny burynǵy zertteýlerden belgili bolǵan edi.