Bul týraly Oqý-aǵartý mınıstri Ǵanı Beısembaev málim etti, dep habarlaıdy Almaty-akshamy.kz.
Bıylǵy oqý jylynyń 31-mamyrǵa deıin uzartylýyna baılanysty, mektepterde sabaq aıaqtalmaı, oqýlyqtar tapsyryla bastady degen aqparattar tarap ketti. Mınıstrdiń aıtýynsha, mektepter standarttardy oryndamasa, bul qarjylyq buzýshylyqqa jatady. Óıtkeni olar jalaqy alady, bul - oqý baǵdarlamasy.
«Memlekettik standart bar, oqý baǵdarlamasy bar. Biz qazir monıtorıń júrgizip, memlekettik standartty oryndamaıtyn mektepterdi anyqtap jatyrmyz. Túsindirý jumystary júrgizilip, belgili bir sharalar qabyldanady», - dedi mınıstr Úkimet kýlýarynda.
Dese de, Ǵanı Beısembaev oqýlyqtardy merziminen buryn jınaǵany úshin muǵalimder men dırektorlarǵa qandaı jaza qoldanylatynyn naqtylaǵan joq.
Esterińizge sala keteıik, Qazaqstanda oqý jyly 34 aptadan 36 aptaǵa deıin uzartyldy, ıaǵnı bıyl el mektepterinde sabaq aıdyń aıaǵyna deıin jalǵasady.