Almatydaǵy Rysqulov-Kúderın jolaıyryǵynda jol jóndeý jumystary júrgiziletindikten, qozǵalys ýaqytsha shekteledi. 24 shildeden bastap 25 shildege deıingi túngi ýaqytta, ıaǵnı saǵat 23:00-den 6:00-ge deıin Rysqulov dańǵylynyń ońtústik jaǵyndaǵy burylysqa qaraı qozǵalys jabyq bolady.
Kólik júrgizýshileri úshin aınalma jol retinde Soqpaqbaev, Sýsanın, Krylov jáne Sahalınskaıa kósheleri usynylady. Qozǵalysqa engizilgen shekteýler men basqa da aqparatty Almaty.kz saıtynan, @AlmatyJoly Telegram arnasynan, aýdandyq ákimdikter men basqarmalardyń áleýmettik jelilerinen, sondaı-aq 2GIS jáne «Iandeks kartalar» servısterinen tabýǵa bolady.
Júrgizýshilerdiń barlyǵyna josparlanǵan jol shekteýlerine baılanysty júrý baǵyttaryn aldyn ala josparlaý usynylady.
