Kúdikti retinde 23 jastaǵy jigit ustaldy.
Jedel málimetterge sáıkes, ol jalǵa alǵan úıinde esirtki zerthanasyn uıymdastyrǵan, dep habarlaıdy almaty-akshamy.kz Polisia.kz-ke silteme jasap.
Turǵyn úıdi tintý kezinde ósimdik tektes zaty bar polıetılen baılamdary, ıisi bar untaq zat, qabattasatyn magnıtti aralastyrǵysh, elektrondy tarazylar, shyny ydystar, tarelkalar, probırkalar, prekýrsorlary bar baılamdar, suıyqtyǵy bar bótelkeler, shıkizaty bar kanıstrler jáne basqa da zerthanalyq qural-jabdyqtar tabyldy jáne tárkilendi. Qaskóı ózimen birge turatyn áıeldiń jáne kámeletke tolmaǵan inisiniń kózinshe qylmystyq áreketti jasaǵan.
– Kúdikti aýyr qylmys jasaǵanyn moıyndady. Ol qamaýǵa alyndy, — dedi, Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaı.
Saraptama qorytyndysyna sáıkes, tárkilengen zattar sıntetıkalyq mefedron esirtki zaty. Atalǵan fakti boıynsha qylmystyq is qozǵaldy. QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.