Almatyda Rysqulov dańǵylynyń bir bóligindegi jóndeý jumystaryna baılanysty reversıvti qozǵalys engiziledi
Rysqulov dańǵylyna ortasha jóndeý jumystaryna baılanysty qozǵalysqa ýaqytsha shekteý engiziledi, dep habarlaıdy aqshamnews.kz
11 tamyz saǵat 23:00-den 13 tamyz saǵat 11:00-ge deıin Rysqulov-Kúderın jolaıyryǵynan bastap, Rysqulov-Bókeıhanov jolaıyryǵyna deıingi dańǵyldyń ońtústik jaǵynda qozǵalys jabylady.
Kólikpen dańǵyldyń soltústik jaǵymen júrýge bolady, munda reversıvti qozǵalys uıymdastyrylady. Batys jáne shyǵys baǵyttaǵy jolaq sanyn patrúldik polısıa qyzmetkerleri qalyptasqan jaǵdaıǵa baılanysty retteıdi.
Ýchaskede eki jaqty qozǵalys týraly eskertý belgileri ornatylady. Jolaqtar jaryq shaǵylystyrǵysh konýstarmen bólinedi. Reversıvti qozǵalys bastalar aldynda shyǵys jáne batys jaqta kólik ortasyn bóletin temir qorshaý ornatylady.
12 tamyz saǵat 8:00-de Rysqulov dańǵylynan Kúderın kóshesine jáne Soltústik aınalma kóshesinen shyǵys baǵytqa burylatyn joldar ashylady. 12 tamyz saǵat 12:00-de Bókeıhanov kóshesinen Rysqulov dańǵylyna shyǵys baǵytqa burylatyn jol ashylady.
Aıta keteıik, kólik qozǵalysyn shekteý týraly barlyq aqparattar Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalardyń áleýmettik jelilerinde, sondaı-aq 2GIS jáne «Iandeks karta» servısinde kórsetilgen.