Bul máseleni Qazaqstannyń elshisi Nurbah Rústemov Rýmynıa Premer-mınıstriniń Memlekettik keńesshisi Iýlıan Kıfýmen kezdesýinde talqylady.
Kelissóz barysynda qazaqstandyq dıplomat elimizdegi ishki saıası jáne áleýmettik-ekonomıkalyq jaǵdaı týraly, sondaı-aq Prezıdent Qasym-Jomart Toqaevtyń «Ádiletti Qazaqstandy» qurýǵa baǵyttalǵan reformalary men bastamalaryn júzege asyrý barysy jaıynda baıandady, dep habarlaıdy Almaty-akshamy.kz Egemen.kz-ke silteme jasap.
Taraptar energetıka, kólik jáne logıstıkalyq yntymaqtastyqqa erekshe nazar aýdara otyryp, ekijaqty qarym-qatynastardyń jaı-kúıi men olardy tereńdetý perspektıvalaryn talqylady.
«Rýmynıa Premer-Mınıstriniń Memlekettik keńesshisi Qazaqstan ekijaqty formatta da, EO-Qazaqstan baǵyty boıynsha da Rýmynıanyń Ortalyq Azıadaǵy negizgi seriktesi ekenin atap ótti. Bul rette Memlekettik keńesshi Premer-Mınıstr keńsesi elshiliktiń bastamalaryn qoldaıtynyn jáne eki jaqqa da tıimdi, ásirese saýda-ekonomıkalyq saladaǵy jobalardy jandandyrýǵa kómektesýge daıyn ekenin jetkizdi», - dep jazylǵan Qazaqstannyń Syrtqy ister mınıstrligi taratqan habarlamada.
Sondaı-aq olar mádenı sharalardyń júzege asyrylýyn, atap aıtqanda, Rýmynıada qazaqtyń uly kompozıtory Qurmanǵazynyń jáne Qazaqstanda rýmynnyń uly kompozıtory Djordj Eneský bústileriniń ashylýyn talqylady.