Palask ýnıversıtetiniń magıstranty Ian Brzobogaty Toraıǵyrov ýnıversıtetine bilim alýǵa keldi.
Ol Erasmus + baǵdarlamasy boıynsha Azıa elderi jáne qazaq ádebıetin oqyp júr, dep habarlaıdy Almaty-akshamy.kz QazAqparatqa silteme jasap.
Akademıalyq utqyrlyq baǵdarlamasy boıynsha Chehıadan kelgen magıstrant Pavlodar joǵary oqý ornyn ózi tańdaǵan. Munda ol «Azıatıstıka boıynsha mamandanǵan qytaı tili men mádenıeti» mamandyǵy boıynsha úsh aılyq oqýdan ótedi. Sonymen qatar, Ian Brzobogaty HH ǵasyrdaǵy qazaq ádebıetin zertteý jaıly sheshim qabyldady. Atap aıtqanda, Sábıt Muqanov pen Sáken Seıfýllınniń shyǵarmalaryna qyzyqqan.
«Biz Eýropadan kelgen stýdentter men magıstranttardyń óz baǵytynda jańa bilim alý jáne Qazaqstan mádenıetin zertteý úshin ToU-dy tańdaǵanyna óte qýanyshtymyz. Biz árqashan sheteldik qonaqtar úshin ashyqpyz jáne olarǵa oqýda da, kúndelikti ómirde de kómektesýge daıynbyz. Búgingi tańda bizdiń ýnıversıtet shetelde tanymal bola bastady. Bul bolashaqta basqa elderden keletin stýdentter men magıstranttar aǵyny ósetinin bildiredi», – dep atap ótti JOO rektory Erkin Sadyqov.
ToU jáne Palask ýnıversıteti 2014 jyldan beri seriktes. Bul yntymaqtastyq profesorlardyń qonaq dáristerin jáne stýdentterdiń ekijaqty ǵylymı taǵylymdamalaryn qamtıdy. Jalpy, Toraıǵyrov ýnıversıteti 100-den astam joǵary oqý ornymen seriktes.
«Aıta ketsek, tek 2022 jyly bizde Nıgerıa, Qytaı, Mońǵolıa, Reseı, Germanıa, Ózbekstan, Ázirbaıjan, Ýkraına, Izraıl, Grýzıa, Aýǵanstan, Irak, t.b. elderden 239 sheteldik stýdent turaqty negizde oqydy»,-delingen habarlamada.