Konkýrstyń sharty boıynsha qysqa metrajdy fılmdi eki kúnde túsirý kerek bolǵan.
Davıd Lıtvınov Cannes Shorts Fransýz baıqaýynda "Úzdik kompozıtor" nomınasıasynyń tizimine endi, dep habarlaıdy Almaty-akshamy.kz.
Kandaǵy baıqaýdyń qazylar alqasyn tańǵaldyrǵan mýzykany Davıd «Victoria» fılmine jazǵan. Bul fılmdi petropavldyq rejıser Aleksandr Shıngýrov túsirgen.
Tórt mınýttyq fılm AQSH-tyń Qazaqstandaǵy dıplomatıalyq mısıasy uıymdastyrǵan «48 hour Film Race» Orta Azıa baıqaýy úshin arnaıy túsirilgen. Konkýrstyń sharttary boıynsha qysqa metrajdy fılmdi eki kúnde túsirý kerek bolǵan.
Kandaǵy baıqaýdyń qazylar alqasyn tańǵaldyrǵan mýzykany Davıd «Victoria» fılmine jazǵan.
Tapsyrma boıynsha fılmde kók tústi keıipker, qaǵaz, júrek bolýy kerek jáne «Álem - bul...» degen sózdi shyǵarmashylyqpen jalǵastyrý kerek.
«Jumys birden bastaldy. Oryn da, akterler de tabyla ketken. Qýyrshaq teatrynyń akteri Aleksandr Parhomenko men jańadan kelgen kishkentaı aktrısa Esenıa Rýra rólderge óte jaqsy sáıkes keldi, sondaı-aq aýyr túsirilimderden abyroımen ótti», - dep túsindirdi Aleksandr Shıngýrov.
Tórt mınýttyq fılm «48 hour Film Race» Orta Azıa baıqaýy úshin arnaıy túsirilgen.
Aıtpaqshy, fılm jazda túsirilgen, al túsirilim kúnderi aýa raıy adam tózgisiz ystyq bolǵan. Qysqa metrajdy fılmde álemniń erekshe ózekti taqyryby qozǵalǵan.
«Men, Evgenıı Lýkánov jáne Anton Shelkýnov sýrettiń sújetimen aınalystyq. Biraq aqyrynda ıdeıa Devıd Lıtvınovtyń mýzykasy arqyly jasaldy. Fılmge óte jaqsy sáıkes keletin saýndtrekti Davıd bir táýlikten az ýaqyt ishinde jazdy. Onyń ústine ol túsirilim alańyna qatysqan joq, biraq bul oǵan kartınanyń ıdeıasyn sonshalyqty tereń jáne shynaıy ashýǵa esh kedergi bolmady, men tipti olaı bolaryn ózim de elestete almadym», - dedi rejıser.
Nátıjesinde «Vıktorıa» fılmi «48 saǵattyq fılm jarysy» baıqaýynyń «Úzdik drama» nomınasıasynda jeńiske jetti. Osydan keıin avtorlar jumysty taǵy birneshe eýropalyq konkýrstarǵa jiberýge sheshim qabyldaǵan.
«Fransýzdyq Cannes shorts baıqaýynda Davıd jazǵan fılm mýzykasy «Úzdik kompozıtor» nomınasıasy boıynsha úzdik bestikke endi. Osyndaı úlken básekelestikpen nomınasıany alý – úlken abyroı. Bizben birge eńbek etken barlyq áriptesimizge myń alǵys!», - dep bólisti Shıngýrov.
Davıd Lıtvınovtyń ózi jeńiske qatty tańǵalǵanyn moıyndady.
«Sasha Kanda qysqa metr festıvali bar ekenin jáne fılmdi sol jerge jiberý kerek ekenin aıtty. Biz bul týraly sóıleskenimizben umytyp kettik, men shynymdy aıtsam, syıaqy týraly kóp oılamadym da. Jubaıym áleýmettik jelilerde meni nomınasıamen quttyqtap jatqanyn aıtqanǵa deıin senbedim. Bul men úshin tańǵalarlyq jańalyq boldy!», - dep kúldi Davıd Lıtvınov.
Rejıser men kompozıtordyń shyǵarmashylyq dostyǵy ýnıversıtette oqyǵannan beri uzaq ýaqyt boıy jalǵasyp keledi. Olar «Soznanıe», «Paýtına», «Rıeltor» fılmderinde birge eńbek etken. Mýzykant pen rejıser budan bylaı da kóptegen qyzyqty jobany ómirge ákeletinine senimdi.