Tipti eldiń aýrýhanalarynda oryn joq
Bir táýlikte koronavırýsty 19 myńǵa jýyq adam juqtyryp, indetten 300-den astam adam qaıtys bolǵan. Dúnıejúzilik densaýlyq saqtaý uıymynyń málimetinshe, Rýmynıa qazir indetten qaıtys bolýshylardyń sany boıynsha álemde alǵashqy orynda, dep habarlaıdy Almaty-akshamy.kz
Epıdahýaldyń nasharlaýyna halyqtyń ekpege senimsizdik tanytyp, saldyrtpaýy sebep deıdi mamandar.
Kisi ólimi kóbeıgennen keıin, sońǵy eki kúnde turǵyndar vaksına saldyrtýǵa aǵylyp jatyr. Bir táýlikte ekpeni 150 myńnan astam adam alǵan. Qazir el aýrýhanalarynda oryn joq. Naýqastar Vengrıa, Polshanyń emdeý mekemelerine jatqyzylýda. Eýroodaq elderi Rýmynıaǵa dári-dármek, tynys-alý apparattaryn jiberip, qoldaý kórsetip jatyr.
«Pandemıanyń bul tolqynynan qatty zardap shegip jatyrmyz. Aýrýhanaǵa túsip, qaıtys bolyp jatqandardyń deni - ekpe almaǵandar. Sondyqtan halyqqa aıtarymyz - jalǵan aqparatqa senbeı, ekpe saldyrýǵa asyǵyńyzdar. Bul daǵdarystan shyǵýdyń jalǵyz joly - vaksına», - deıdi ekpe ortalyǵynyń dárigeri Iona Lýmınısa.