Ol buǵan deıin de qylmystyq jaýapkershilikke tartylǵan.
Almatyda «qalta urysy» sábıli áıeldi tonap ketti, dep habarlaıdy almaty-akshamy.kz Polisia.kz saıtyna silteme jasap.
Bul qylmys Almatynyń Naýryzbaı aýdanynda tapa-tal túste oryn alǵan. Qaskóı qasynan ótip bara jatqan adamnyń kúrtesiniń qaltasynan uıaly telefonyn urlap ketken.
«Ol jábirlenýshiniń bos emestigin paıdalandy: onyń qolynda nárestesi boldy. Bul kezde jábirlenýshi balany arbaǵa otyrǵyzyp jatty, beıtanys jigittiń qaltasynan mobıldi qurylǵyny qalaı sýyryp alǵanyn baıqamaı qaldy. Áıel urlyq bolǵanyn birden bilmedi. Aryz túskennen keıin bizdiń bólimsheniń krımınaldyq polısıa bóliminiń qyzmetkerleri izdestirý sharalaryna qosyldy. Nátıjesinde kúdikti ustaldy jáne qamaýǵa alyndy. Ol 35 jasta, buǵan deıin qylmystyq jaýapkershilikke tartylǵan. Qazirgi tańda onyń bótenniń múlkin urlaýdyń eki faktisine qatysy bar ekeni dáleldendi», – dep qorytyndylady Naýryzbaı aýdandyq polısıa basqarmasynyń bastyǵy Dıdar Ahanov.