Portýgalıa fýtbol quramasynyń shabýylshysy Krıshtıaný Ronaldý mansabyn qashan aıaqtaıtynyn aıtty, dep habarlaıdy Almaty-akshamy.kz Egemen.kz-ke silteme jasap.
38 jastaǵy portýgaldyq sportshy Saýd Arabıasynyń «Al-Nasr» klýbynyń basshylyǵyna óz sheshimin habardar etti.
«Krıshtıaný Ronaldý Portýgalıa quramasynyń lagerine barar aldynda «Al-Nasr» basshylyǵyna kelisim-shartyn 2027 jyldyń basyna deıin uzartqysy keletinin aıtty. Ronaldý 2026 jyly ótetin álem chempıonatynda «Al-Nasr» klýbynyń fýtbolshysy retinde oınaýdy, keıin fýtboldan ketetinin jarıalaýdy josparlap otyr», dep jazdy jýrnalıs Ál-Harabı.
Aıta keteıik, 2026 jylǵy álem chempıonaty úsh elde – AQSH, Meksıka jáne Kanadada ótedi.