Belgıadan shyqqan tanymal fýtbolshy Eden Azar 32 jasynda sporttaǵy mansabyn aıaqtady.
Bul týraly instagram jelisindegi paraqshasynda jazyp, jankúıerlerine alǵysyn bildirdi, dep habarlaıdy almaty-akshamy.kz.
Kez kelgen nárseni ýaqytynda toqtatqan jón dep sanaımyn. 16 jyl ishinde 700-den asyq oıynǵa qatysqannan keıin sporttaǵy kásibı mansabymdy aıaqtaý týraly sheshim qabyldadym. Men óz armanymdy oryndadym. Men álemdegi eń ádemi stadıondarda dop teýip, odan lázzát aldym. Mansabymda eń myqty degen jattyqtyrýshylar men oıynshylar áriptes boldy. Barlyqtaryna alǵys aıtamyn. Ózim oınaǵan "Lıll", "Chelsı", "Real" klýbtary men Belgıa quramasyna alǵysymdy aıtamyn. Meni qoldaǵan otbasym, dostarym men keńesshilerime jeke rızalyǵymdy bildiremin. Árıne, maǵan jankúıer bolǵan jandarǵa qurmetim sheksiz. Alań syrtynda jolyqqansha, dostar, - dep jazdy fýtbolshy.
Fýtbolshy maýsym aıynda "koróldik klýbpen" kelisimshartyn ýaqytynan buryn aıaqtaǵan bolatyn. Madrıdik klýb sapynda eki ret Ispanıa chempıony atandy, bir ret Ispanıa kýbogy, Chempıondar lıgasy men Sýperkýbogyn jeńip aldy. Sondaı-aq ulttyq qurama sapynda 2018 jyly Reseıde ótken álem chempıonatynyń qola júldegeri.