QR Syrtqy ister mınıstriniń orynbasary Roman Vasılenko EQYU DIAQB-nyń elimizdegi saılaýǵa qatysty málimdemesine qatysty pikir bildirdi, dep habarlaıdy Almaty-akshamy.kz QazAqparatqa silteme jasap.
Osy oraıda ol Qazaqstannyń Syrtqy ister mınıstrligi Eýropa Qaýipsizdik jáne Yntymaqtastyq Uıymynyń elimizdegi saılaýǵa bergen baǵasyna qatysty tıisti ustanymy jarıalanǵanyn eske saldy.
«EQYU aıasynda birqatar ınstıtýt jumys isteıdi. Sondaı ınstıtýttardyń biri – Demokratıalyq ınstıtýttar jáne adam quqyqtary jónindegi búro. Bul organ EQYU-ǵa múshe elderdiń barlyǵynda áli bekitilmegen belgili bir erejeler negizinde jumys isteıdi. Bul óz kezeginde saılaý naýqanynyn baıqaý erejelerine qatysty», - dedi Roman Vasılenko Májiliste tilshiler suraǵyna jaýap bere otyryp.
Ol 2010 jyly DIAQB aıasynda №6 saılaýdy baıqaý boıynsha keıbir nusqaýlar derbes bekitilgenin atap ótti. Alaıda olar EQYU-ǵa múshe memleketterdiń ustanymdary boıynsha pikirin esepke almaǵan.
«EQYU DIAQB uıymǵa múshe memleketterge demokratıalyq ınstıtýttardy damytýda kómek kórsetýi tıis. Bul óz kezeginde DIAQB saılaýdy baıqaýǵa nemese belgili bir organdarmen yntymaqtasýǵa shaqyrǵan EQYU-ǵa múshe memleketterge kómek kórsetýi kerek degendi bildiredi. Atap aıtqanda, bıylǵy maýsym aıynda DIAQB men Qazaqstan Respýblıkasynyń Adam quqyqtary jónindegi ýákili arasynda yntymaqtastyq týraly memorandým jasaldy», - dedi R. Vasılenko.
Sonymen qatar ol DIAQB bergen baǵa EQYU-ǵa múshe memleketter qabyldaıtyn nemese qabyldamaýy múmkin usynymdar sanatyna jatatynyn jetkizdi.
«Osy jyldyń ózinde DIAQB Fransıa, AQSH, Majarstan jáne Serbıadaǵy saılaýǵa baıqaýshy retinde qatysty. Bul turǵyda osy múshe memleketterge arnap usynystary bar baıandamalar jarıalandy. Ár múshe memleket DIAQB jarıalaǵan usynystarǵa qatysty óz baǵytyn derbes qarastyrady. Biz DIAQB-men odan ári yntymaqtastyqqa muqıat qaraıtyn bolamyz», - dedi mınıstrdiń orynbasary.