Shekaradan óte alady, biraq tirkele almaıdy. İİM-de oń róldegi kólikter týraly aıtty
Bul týraly QR İshki ister mınıstrligi Ákimshilik polısıa komıteti tóraǵasynyń orynbasary Serik Túsipov İİM-de ótken brıfıńte aıtty dep habarlaıdy almaty-akshamy.kz
Róli oń jaqta ornalasqan avtokólikterdi Qazaqstanda tirkeýge tyıym salynǵan. Ol 2008 jyldan bastap júzege asyrylyp keledi. Sol ýaqyttan beri olar Qazaqstanda tirkelmeıdi, - dedi ol.
Túsipovke oń róldegi kólikti satyp alǵandar Qazaqstan shekarasyna ótken derekter boıynsha suraq qoıyldy.
Bul jerde tirkeýge ruqsat joq. Iaǵnı, biz azamattarǵa qandaı da bir múlikti satyp alýǵa tyıym sala almaımyz. Bul - Konstıtýsıada kórsetilgen onyń quqyǵy. Alaıda zań boıynsha ondaı kólikpen qozǵalý úshin ol Qazaqstannyń tirkeýinde bolýy kerek. Osyny túsingen abzal. Reseıde satyp alǵan kólik bolsa, Reseıdegi bul kóliktiń burynǵy ıesi avtokóliktiń Qazaqstanda tirkelýi keregin bilip, belgili bir ýaqyttan keıin sol jaqtaǵy esepten shyǵarady. Al qazaqstandyq azamattar Qazaqstan shekarasynda burynǵy qujattarymen paıdalanýdy jalǵastyra beredi. Al bulaı isteýge bolmaıdy. Sebebi kólik esepten shyǵarylǵan, - dedi ol.
Túsipov zań boıynsha kólik tek tirkelgen jaǵdaıda ǵana qozǵala alatynyn eske saldy.
Zań talaptaryn oryndaý kerek. Qazir qazaqstandyq esepte 4,2 mln tehnıka birligi tirkelgen. Bul talapty qazaqstandyq júrgizýshiler tolyq oryndap jatyr. Sondyqtan belgili bir sanatqa jeńildik jasaý zańda qarastyrylmaǵan. Sondyqtan bul kólikterdi tirkeý kerek ne osyǵan deıingi ıesimen másele sheshilmegenshe paıdalanbaý kerek, - dedi Túsipov.