Erkin kúresten álem chempıony Rızabek Aıtmuhan Ulttyq ulan akademıasyna bardy, dep habarlaıdy almaty-akshamy.kz.
Búgin Petropavldaǵy QR Ulttyq ulanynyń Akademıasyna el tarıhyndaǵy erkin kúresten birinshi álem chempıony Rızabek Aıtmuhan arnaıy bardy.
Ataqty sportshyny qala ákimdiginiń dene shynyqtyrý jáne sport bóliminiń ókilderi, ata-analary men dostary alyp júrdi.
Sapar barysynda ol Akademıanyń jeke quramymen kezdesti, onda Serbıadaǵy álem chempıonaty kezindegi jeńisti sáti jaıly aıtyp berdi. Sondaı-aq, chempıon JOO-nyń tynys-tirshiligimen tanysyp, qurmetti qonaqtar kitabyna estelik jazba qaldyrdy.
Aıta keteıik, Rızabek Aıtmuhan – QR Ulttyq ulanynyń áskerı qyzmetshisi. Ol Keńes Odaǵynyń batyry, gvardıa polkovnıgi Baýyrjan Momyshuly atyndaǵy 5571 áskerı bóliminde merzimdi qyzmet ótkerýde.