2023 jyldyń 22 qazan kúni, 18.00 -de, Respýblıka kúnine oraı, QR Mádenıet jáne aqparat mınıstrliginiń qoldaýymen Jambyl atyndaǵy Qazaq memlekettik fılarmonıasynda Respýblıkalyq «Ónerimiz saǵan – Qazaqstan!» atty festıvál ótedi.
Festıváldiń maqsaty - qazaq halqynyń óneri men mádenıetin Qazaqstanda turatyn etnostyq toptar arasynda jan-jaqty nasıhattaý, qazaqstandyq patrıotızm men elimizdiń kóptúrli mádenı erekshelikterin damytý, oryndaýshylardyń kásibı sheberligin arttyrý. Qazaqstan halqynyń birligin saqtaý jáne elimizdiń kóptúrli mádenı erekshelikterin damytý.
Atalmysh sharaǵa barlyq etno-mádenı birlestikter jáne qazaq ulttyq ónerin jetik meńgergen (dombyra, qobyz, syrnaı, taǵy basqa qazaq ulttyq aspaptarynda oınaıtyndar, qazaq áni men bıin oryndaıtyndar) etnostyq top ókilderiniń jeke jáne toptyq oryndaýshylary qatysty.
Oryndalatyn shyǵarmalardyń ýaqyty 5 mınýttan aspaýy qajet.
Festıvál İİ kezeńnen turady: İ kezeńge Qazaqstannyń barlyq óńirleriniń etno-mádenı birlestikteriniń ókilderi onlaın formatta qatysady jáne ekinshi kezeńge irikteýden ótedi. İİ kezeńge ótken qatysýshylar «Ónerimiz saǵan - Qazaqstan!» respýblıkalyq festıvaliniń Uıymdastyrýshy komıtetimen iriktelip,
Almaty qalasynda qazan aıynyń 22-de, saǵat 18.00-de Jambyl atyndaǵy Qazaq memlekettik fılarmonıasynyń Úlken zalynda ótetin Gala-konsertinde óner kórsetedi.
Festıváldiń qatysýshylaryna Alǵys hattar tapsyrylady.
Sharaǵa qatysý sharttary, qoıatyn talaptary Jambyl atyndaǵy Qazaq memlekettik fılarmonıasynyń áleýmettik jelilerinde ornalastyryldy.