Balýannyń toıy Astana qalasynda ótti, dep habarlaıdy aqshamnews.kz
Toıǵa qonaq bolyp barǵan belgili bloger Ivan Chervınskıı Instagram jelisindegi paraqshasynda saltanatty keshten vıdeo jarıalady.
"Búgin álemniń úzdik bapkerleriniń biri jáne ata-anasy, álem chempıonyn tárbıelep ósirgen Qanat Joldasbaev úlken toı jasady. Ol ulyn – tanymal sportshy ǵana emes, keń peıildi naǵyz ıntellıgent Rızabek Aıtmuhandy úılendirdi. Astanadaǵy saltanatty merekede Qazaqstan men álemniń sport juldyzdarynyń ortasynda men de boldym, toı óte áserli ótti. Árıne, toıdyń basty sebebi Soltústik Qazaqstan oblysy Qyzyltý aýylynyń týmasy, Qazaqstannyń erkin kúres sheberi, talantty balýan Rızabek Qanatuly. Ol Qazaqstan tarıhynda erkin kúresten álem chempıony atanǵan tuńǵysh sportshy. Sondyqtan men bizdiń Rızabektiń ómirindegi taǵy bir tarıhı sátke kýá bolǵanyma qýanyshtymyn. Endi onyń jaýapkershiligi odan saıyn artady. Rızabek pen onyń qalyńdyǵyna baqyt, densaýlyq, baq-bereke tileımin", - dep jazdy bloger Ivan Chervınskıı jelige jarıalaǵan beınejazba sıpattamasynda.
Balýannyń tańdaýy Fırýza esimdi sportshy qyzǵa túsken, qalyńdyq sporttyq gımnastıkadan sport sheberi.