Almatyda “Qaýipsiz jol” jedel-profılaktıkalyq is-sharasy aıasynda jol-kólik oqıǵalarynyń aldyn alýǵa jáne kólik júrgizý mádenıetin qalyptastyrýǵa basa nazar aýdarylýda.
Degenmen, polısıa qyzmetkerleri kólik nómirlerin jasyrý áreketterine qatysty óreskel buzýshylyqtardy tirkeýdi jalǵastyrýda, dep habarlaıdy aqshamnews.kz Polisia.kz-ke silteme jasap.
Osylaısha, reıd barysynda memlekettik tirkeý nómirin qasaqana jasyryp júrgen VAZ avtokóliginiń júrgizýshisi ustaldy. Onyń maqsaty – kameralar túsiretin zań buzýshylyqtardy boldyrmaý jáne jaýapkershilikten qutylý. Sot quqyq buzýshyǵa qatysty ákimshilik qamaqqa alý sharasyn qoldandy. Polısıa, nómirdi jasyrý qaýipti buzýshylyq, tipti odan da aýyr qylmysqa ákep soqtyrýy múmkin ekenin eske salady. Buzýshylyq - árqashan úlken máseleniń basy.
— Óz áreketin jasyrýǵa tyrysatyn kez kelgen júrgizýshi basqalarǵa qaýip tóndirýi múmkin. Biz jeke jaýapkershilikke shaqyramyz. Olqylyq izdemeńiz - erejelerdi saqtańyz. Tek osylaı ǵana joldardy shynymen qaýipsiz ete alamyz, - dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.
“Qaýipsiz jol” is-sharasy jalǵasýda. Almaty polısıasy tártip buzýshylardy anyqtaý boıynsha jumysty kúsheıtip, árbir mundaı jaǵdaıda jazanyń bultartpastyǵyn qamtamasyz etedi.