Qazaqstan sportshysy 62 000-nan astam upaı jınady.
Grýzın Mırıanı Maısýradze reıtıńte ekinshi tur, al Ázerbaıjan ókili Osman Nýrmagomedov úzdik úshtikti túıindedi, dep habarlaıdy Almaty-akshamy.kz
QR Ulttyq ulany Baýyrjan Momyshuly atyndaǵy 5571 áskerı bóliminiń áskerı qyzmetshisi erkin stıldegi balýan Rızabek Aıtmuhan 92 kelige deıingi salmaq dárejesinde álemdik reıtıńte kósh bastady.
Eske salaıyq, otandasymyz qyrkúıek aıynda ótken álem chempıonatynda erkin kúresten el tarıhyndaǵy alǵashqy «altyndy» jeńip alǵan edi. Belgradta ótken álem chempıonatyndaǵy sheshýshi jekpe-jekte Rızabek Aıtmuhan Osman Nýrmagomedovten 0:2 esebimen jeńilip jatyp, 5:2 esebimen jeńisti julyp alǵan bolatyn.
Aıta keteıik, qatardaǵy jaýynger Rızabek Aıtmuhan Soltústik Qazaqstan oblysy Ýálıhanov aýdany Kishkenekól aýylynyń týmasy. Osy jyldyń jazynda ol Ulttyq ulan qataryna merzimdi qyzmetke shaqyryldy. Búginde ol Almaty qalasynda Otan aldyndaǵy áskerı boryshyn abyroımen atqaryp júr.