Qazaqstandyq ǵalymdarǵa turaqty ústemeaqy jáne eńbek demalysy beriledi.
Ǵalymdar jalaqylaryn negizinen merzimdi túrde jarıalanatyn granttar esebinen alady, dep habarlaıdy Almaty-akshamy.kz
"Keıbir zańnamalyq aktilerge ǵylym máseleleri boıynsha ózgerister men tolyqtyrýlar engizý týraly" zań jobasy boıynsha Úkimettiń qorytyndysyn Májilis depýtaty Asqat Aımaǵambetov tanystyrdy.
Depýtat atap ótkendeı, zań jobasy negizgi tórt baǵytty kózdeıdi. Birinshiden, ǵylymdy qarjylandyrý júıesin ózgertý usynylady.
"Ǵalymdarymyzǵa turaqty eńbekaqy qamtamasyz etýdi qosa alǵanda, jańa tetikterdi qosý usynylady. Qazirgi kezde ǵalymdar jalaqylaryn negizinen merzimdi túrde jarıalanatyn granttar esebinen alady. Eger siz grant almasańyz, jalaqysyz qalasyz", - dep túsindirdi Asqat Aımaǵambetov.
Osylaısha, ǵalymdar grant almasa, tabyssyz qalady.
Degenmen, zań jobasy qabyldanǵannan keıin barlyq qyzmetkerler sıaqty ǵalymdar da aı saıyn turaqty jalaqy alady.
Asqat Aımaǵambetovtyń aıtýynsha, buǵan búdjetten qarjy bólinedi.
"Biz qosymsha tólemderdi usynamyz. Mysaly, ǵylymı dárejesi boıynsha dosent jáne profesorlarǵa tólemder. Qazir Úkimettiń qorytyndysy ázirlenip jatyr. Munyń bári aldaǵy ýaqytta naqtylanady, sebebi olarǵa qosymsha tólemder engizilýi kerek. Sońǵy 30 jylda ǵylymı qyzmetkerlerdiń sany aıtarlyqtaı qysqardy. Bul kásipti ǵylymı kadrlarymyz úshin qarjylandyrý jáne áleýmettik paket turǵysynan tartymdy etýimiz kerek", – dedi Asqat Aımaǵambetov.
Zań jobasy aıasynda, qazaqstandyq ǵalymdarǵa eńbek demalysy beriledi. Iaǵnı, eńbek kodeksi boıynsha olar belgili bir ýaqytqa úzilis jasap, ǵylymı zertteýlermen aınalysa alady.
Sonymen qatar zań jobasynda ǵalymdardy megagrantpen qamtamasyz etý normasy da bar. Bul granttar arqyly ýnıversıtetter zamanaýı zerthanalarmen jabdyqtalady.
Májilismen Asqat Aımaǵambetovtiń aıtýynsha, elimizde zerthanalar jetkiliksiz.
"Zerthanalardy búdjetten qarjylandyrýdyń qazirgi kúrdeli. Bul kóp ýaqytty alady. Ókinishtisi, bizdiń uıymdar búdjetten bólingen qarjyny ıgere almaıdy. Sondyqtan biz shet eldegideı erekshe eńbek sińirgen ǵalymdarǵa eńbek demalysyn berýdi usynamyz. Eńbek kodeksine olar shartty túrde belgili bir merzim alyp, ǵylymı zertteýlermen aınalysa alatyn norma engizý usynylyp otyr", - dep túsindirdi Aımaǵambetov.
Sondaı-aq jeńildetilgen nesıe alý standarttaryn engizý jáne profesorlardyń ǵylymı ataqtaryna qosymsha ústemeaqy berý usynyldy.
Depýtattyń sózinshe, sońǵy tórt jylda qarjylandyrý eki ese, úsh ese ulǵaıyp jatqan kezde ony durys paıdalaný mańyzdy.
"Sondyqtan barlyq granttar tolyq konkýrstan ótýi kerek dep aıtamyz. Prosedýralar shyǵyn balansy sheńberinde bolýy kerek", – dedi eks-mınıstr.