Buǵan qosa 849 myń teńge kóleminde aıyppul da tóleıdi.
Memlekettik kirister komıtetiniń ótinishi negizinde Týrızm jáne sport mınıstrligi 2024 jylǵy sáýirde jospardan tys tekserý júrgizip, oıyn bıznesi salasyndaǵy zańnamany saqtamaǵany úshin Ringobet.kz býkmekerlik keńsesin lısenzıasynan aıyrdy, dep habarlaıdy Almaty-akshamy.kz
«Oıyn bıznesi týraly» Zańǵa sáıkes, oıyn bıznesin uıymdastyrýshynyń básti qabyldaý serveri Qazaqstan Respýblıkasynyń aýmaǵynda ornalasqan jeri boıynsha bolý kerek.
Kezekten tys tekseris barysynda joǵarydaǵy zań talaptaryn buzǵan birneshe fakti anyqtaldy. Sonymen qatar lısenzıa alǵan kezde býkmekerlik keńseniń qyzmeti týraly jalǵan aqparat berilgen.
Osyǵan baılanysty atalǵan býkmekerlik keńse «Ákimshilik quqyqbuzýshylyq týraly» kodekstiń 464-baby 1 jáne 2-tarmaqtary boıynsha jalpy somasy 849 myń teńge kóleminde aıyppul arqalady jáne býkmekerlik keńse lısenzıasynan aıyryldy.