Aýyz sýǵa qol jetkize almaı otyrǵan aýyldardy tirshilik nárimen qamtý úshin elde 2000 shaqyrym sý qubyry salynady.
Bul týraly Úkimet otyrysynda aıtyldy, dep habarlaıdy Almaty-akshamy.kz 24.kz-ke silteme jasap.
Bıyldyń ózinde atalmysh baǵytta 324 jobany iske asyrýǵa 218 mlrd teńge qarajat bólinedi. Osylaısha, aýyl halqynyń 97,8%-in aýyzsýmen qamtý kózdelip otyr. Sondaı-aq bıyl Shymkent, Derjavınsk, Shemonaıha, Ekibastuz jáne Shardara qalalaryn tolyqtaı ortalyqtandyrylǵan sý júıesimen qamtý josparlanǵan. Keler jyly taǵy 19 qalada sýmen jabdyqtaý qurylysy júrgiziledi. Búdjet qarajatyn tıimdi paıdalaný maqsatynda halyq sany 200 adamnan az 810 aýylda jergilikti búdjet qarajaty esebinen keshendi blok-modýlder ornatylady.