Almatynyń qylmystyq ister jónindegi mamandandyrylǵan aýdanaralyq sotynda jappaı tártipsizdik pen shabýylǵa qatysyp, kúzetiletin obektilerdi basyp aldy, sondaı-aq bılik ókilderine zorlyq-zombylyq kórsetti (272-bap, 269-1-bap 3-bap 380-bap) dep aıyptalǵan 11 sottalýshynyń isi qaraldy.
2022 jyldyń 4-5 qańtarynda sottalýshylar jappaı tártipsizdikke qatysyp, qorǵalatyn obektilerge — Almaty qalasynyń ákimdigine, Prezıdent rezıdensıasyna, polısıa basylymyna zańsyz kirgen.
Sottalýshylardyń qylmystyq áreketi múliktiń joıylýyna ulasyp aýyr zardaptarǵa ákeldi.
Tártipsizdik barysynda úsh sottalýshy qoǵamdyq tártip ornatý jóninde sharalar qabyldaǵan áskerı qyzmetshiler men quqyq qorǵaý organdarynyń qyzmetkerlerine zorlyq-zombylyq kórsetti.
Al, sottalýshylardyń bireýi eki áskerı kýrsantty tutqynǵa alyp, olarǵa jeńil dene jaraqattaryn keltirgen.
Sottalýshylar kinásin jartylaı moıyndady.
Atalǵan qylmystar aýyr jáne asa aýyr qylmystar sanatyna jatady.
Jaza taǵaıyndaý kezinde sot jaýapkershilikti jeńildetetin jaǵdaılardy eskerdi: sottalýshylardyń kámeletke tolmaǵan balalarynyń bolýyn, densaýlyq jaǵdaılaryn, otbasylyq jaǵdaılaryn jáne buryn sotty bolmaǵandaryn.
Joǵaryda aıtylǵandardy eskere otyryp, sot 10 sottalýshyny QK 272-babynyń 2-bóligi, 380-babynyń 3-bóligi, 269-babynyń 3-bóligi-1), 4), 8) tarmaqshalary boıynsha kináli dep tapty.
Raqymshylyq týraly zań qoldanyla otyryp, olardyń árqaısysy 1 jylǵa 9 aıǵa bas bostandyǵynan aıyryldy.
Bir sottalýshy QK 272-babynyń 2-bóligi, 380-babynyń 3-bóligi, 1), 4), 8) — tarmaqtary, 269-1-babynyń 3-bóligi, 261-babynyń 3-bóligi boıynsha kináli dep tanyldy.
Ol Raqymshylyq týraly zańy aıasynda 4 jylǵa bas bostandyǵynan aıyryldy.
Úkim zańdy kúshine engen joq.