Memleket basshysy Qasym-Jomart Kemeluly Toqaevtyń bıylǵy Qazaqstan halqyna Joldaýyn biz asyǵa kúttik, úlken qobaljýmen tyńdadyq. Sebebi, osy joly Prezıdent burynǵy dástúrdi ózgertip, eldiń negizgi baǵyt-baǵdaryn aıqyndaý, Jańa Qazaqstandy qurý boıynsha naqty qadamdardy atady.
Joldaýda aıtylǵan túıindi máseleler Qazaqstan azamattarynyń da kóńilinen shyqty dep oılaımyn. Atap aıtatyn bolsam, eńsesi túsip, ábden tozyńqyrap qalǵan óńirlerdiń qaıta jandanýyna múmkindik berip, Abaı, Ulytaý, Jetisý oblystary ashyldy. Bul sońy emes bolar. Óıtkeni, bizde áli de ondaı aımaqtar bar. Sonymen qatar, Konstıtýsıalyq sot, Ulttyq quryltaı, Esep komıtetiniń ornyna joǵary aýdıtorlyq palata qurý, máslıhat tóraǵasy laýazymyn engizý, saılaý zańnamalarynyń saqtalýyn qadaǵalaý úshin baıqaýshylardyń quqyqtary men jaýapkershiligin naqty belgileý, majorıtarlyq saılaý júıesin qoldaný, Prezıdenttiń ókilettik kezeńinde partıaǵa músheligin toqtatý mindetin zańnamalyq túrde resimdeý, ákimder men olardyń orynbasarlaryna partıa fılıaldarynda qyzmet atqarýǵa zań júzinde tyıym salý, buqaralyq aqparat quraldarynyń básekege qabiletti jáne erkin bolýy jáne t.b. biz úshin úlken qýanysh. Barlyǵy tegis quptarlyq. Taǵy bir kóńil qýantatyny, Almaty oblysynyń ortalyǵy Qapshaǵaıǵa Qonaevtyń esimin berý týraly aıtyldy. Eger tańdaý halyq jaqta bolsa, qazirdiń ózinde 80 paıyzy qoldaıdy.
Óziniń basshylyq mysymen, Prezıdenttik ókilettiligimen osy jyldyń ortasyna deıin joǵaryda atalǵandardyń oryndalýyn talap etýi biz úshin sert bergenmen birdeı boldy. Oryndalý merzimi belgilengen Joldaý bir Qudaı buıyrtsa eshqandaı kedergisiz elimizge ońtaıly ózgerister ákeledi. Sony kórýge jazsyn. Jasasyn, Jańa Qazaqstan! Prezıdent Joldaýyna alǵys bildiremiz.