TOQTY (21.03– 20.04) Ókpe-renishterden tazaratyn apta. Taǵdyr sizge jaqsy kóńil-kúı syılap, qýanyshty jańalyqtar ákeledi. Oıyńyz da, kelbetińiz de jaqsarady. Maqsatyńyz aıqyn bolsa, armandaǵan dúnıelerge qol jetkizesiz. Jumysta sizge táýeldi nemese sizben birge isteıtin adam biraz shý shyǵarýy múmkin. Qolyńyz tımeı, qaýyrt jumys kóp bolmaq. Erigýge ýaqyt qalmaıdy. Osyndaı sátterde turmystaǵy máselelerge abaı bolǵanyńyz jón.
TORPAQ (21.04 – 21.05) Bul apta siz úshin synaq ýaqyty bolmaq. Materıaldyq jaǵdaıyńyzda qıyndyqtar týyndaıdy. Jaqyndaryńyzǵa syılyqtar alyp, qaryzdanýyńyz ábden múmkin. Alaıda, ózińizge senimdilik jınap jolyńyzda kóldeneń turǵan máseleniń basyn ashyńyz. Jaqyn adamyńyzben alys saparlarǵa shyǵyńyz. Osylaısha jeke ómirińizde qýantarlyq jaǵdaılar kóbeıeri sózsiz.
EGİZDER (22.05 – 21.06) Naýryz aıynyń sońǵy kúnderi úırenshikti dúnıeden bas tartasyz. Aralasatyn adamdaryńyzdyń sheńberi ózgeredi. Adamdarǵa, jumysqa ǵana emes, sonymen birge ómir saltyna ustanymyńyz ózgeredi. Aspaı-saspaı kóp nárseni oılanyp, demalýǵa kóńil bólesiz.
SHAIANDAR (22.06-22.07) Jumys kúnderi qolyńyzǵa qomaqty qarjy túsedi. Jumysyńyzdyń arqasynda baı-qýatty adamdarmen qatar júresiz. Kásibı salada qyzyqty adamdarmen tanysasyz. Burynǵy tanysyńyzben tabysty shart jasaısyz. Tartymdy adamdarmen kezdesý kútilýde.
ARYSTAN (23.07 – 21.08) Apta basynda básekelesterińizge qarsylyq tanytýǵa májbúrsiz. Ózińiz uzaq kútken jumyspen aınalysý múmkin bolmaıdy. Aınalańyzdaǵy adamdarǵa talap kóp bolmaq. Sapar josparlaısyz. Biraq týyndaǵan jaǵdaılar sapardy iske asyrýǵa múmkindik bermeıdi. Jeke ómirde túsiniksiz jaǵdaı ornaıdy.
BIKESH (22.08 – 23.09) Sizge sál de bolsa tynyǵatyn ýaqyt jetti. Qıyn synaqtar artta qaldy deı berińiz. Degenmen, biraz másele sheshilmese de, ol mazańyzdy almaıdy. Biraq siz kúshti synaqtan ótip, shynyqtyńyz. Sondyqtan da kóptegen bıkeshterdiń ómiri ózgeredi. Óz ómirińiz jaıly eshkimge tis jarmaıtyn bolasyz.
TARAZY (24.09 – 23.10) Osy aptada kóp kúshińizdi ketirgen jumystan bálendeı nátıje kórmeısiz. Mine, endi sheshiledi degen nárseńiz taǵy báz qalpyna túsedi. Ózgeniń ýádesine sene bermeńiz. Tipti, eń senimdi degen seriktesińizge de senim artpańyz. Óıtkeni, kóp nárseden kóńilińiz qalady. Kóp eńbektenýge týra keledi. Kez kelgen nársege qarjy quıýǵa daıyn bolyńyz.
SARYSHAIaN (24.10 – 22.11) Bul kúnderi birlesip istegen jumys jemisin beredi. Ortaq maqsat, sharýa, mindetter, qyzyqty bolmaq. Shyǵarmashylyq áleýet joǵary deńgeıde. Sizdiń ómirińiz mańyzdy betburys, ózgerister yqpalynda tur. Sáýirde materıaldyq jaǵdaıyńyzdy jaqsartasyz.
MERGEN (23.11 – 21.12.) Demalys kúnderin dostaryńyz ben týystaryńyzben jıi kezdesýge arnańyz. Sol sátterde turmys jaǵdaıyńyz birshama rettelip qalýy da múmkin. Qarjy máselesi ózińizdiń baqylaýyńyzda bolmaq. Jeke ómirde qasyńyzdaǵy adamnyń túsinistigi men qoldaýy sizge qajet bolmaq.
TAÝESHKİ (22.12 – 20.01) Bul kúnderi kózqarasyńyzdy ózgertkińiz kelmeıdi. Ózińizdiń paıymdaýyńyzdy árqashan alǵa qoıasyz. Aınalańyzdaǵy adamdarǵa kúdikpen qaraısyz. Osynyń áserinen ózińiz ǵana japa shegip, qınalýyńyz ábden múmkin. Jańa ómirdiń esigin ashýǵa bolatyn sátti jiberip almańyz.
SÝQUIǴYSH (21.01 – 18.02) Osy aptada oljaǵa kenelesiz. Mansabyńyz ósý úshin basshylyqty qabyldap, qurmetteýdi úırenýińiz kerek. Al artyq emosıalar jaǵymsyz jaǵdaıǵa ákelýi múmkin. Jaǵymsyz emosıalardy ishińizde saqtaýǵa tyryspańyz, degenmen qasyńyzdaǵy seriktesińizge de ashýyńyzdy kórsetpegenińiz abzal.
BALYQTAR (19.02 – 20.03) Sáýir aıynda mamanǵa júginip nemese jaqyn dosyńyzben sóıleskenińiz durys. Osylaısha juldyz belgisi qajetsiz ýaıymnan qutylyp, jaqyn jandarmen qarym-qatynastaryn saqtaıdy.
Ázirlegen Aqtolqyn ǴALYMǴAZYQYZY