Bul sharaǵa Ortalyq Azıa óńirinen jáne basqa da jaqyn elderden qajylar keledi.
Rım Papasy Fransısktiń qatysýymen ótetin messaǵa 3 myńnan astam adam qatysady. Bul týraly QR SİM resmı ókili Aıbek Smadıarov vedomstvoda ótken brıfıńte málimdedi, dep habarlaıdy Almaty-akshamy.kz.
Aıbek Smadıarov Rım Papasy ótkizetin messaǵa kimder qatysatynyn aıtty.
«Messaǵa 3 myń oryn qarastyrylǵan, olardyń basym bóligi Ortalyq Azıa óńirinen jáne basqa da jaqyn elderden kelgen qajylar», - dedi SİM ókili.
14 qyrkúıekte Rım Papasy Fransısk ondaǵan myń dindar katolıkter, onyń ishinde Nur-Sultan qalasyna keletin qajylar úshin duǵa (qasıetti messa) ótkizedi.
Sapardyń sońǵy kúni ol Álemdik jáne dástúrli dinder lıderleriniń VII seziniń jabylýyna, sondaı-aq onyń qorytyndy deklarasıasynyń qabyldanýyna qatysýdy josparlap otyr.