Qazaqstannyń keı óńirlerinde aıaz bolady.
Sınoptıkter Qazaqstanda 2022 jyldyń 13-15 qyrkúıek kúnderine arnalǵan aýa raıy boljamyn usyndy, dep habarlaıdy Almaty-akshamy.kz.
Soltústik-batys sýyq antısıklon elimizdiń soltústik jartysyna áser etedi.
«Respýblıkanyń batysynda, soltústik-batysynda, shyǵysynda, ońtústik-shyǵysynda atmosferalyq frontaldy bólikterdiń ótýimen jańbyr kútiledi, shyǵystyń, ońtústik-shyǵystyń taýly aımaqtarynda jańbyr túnde kóktaıǵaqqa aınalýy múmkin», - delingen «Qazgıdromet» RMK aqparatynda.
Sınoptıkterdiń boljamynsha, 14-15 qyrkúıekte Qazaqstannyń shyǵysynda qatty jańbyr jaýady.
Sondaı-aq respýblıka boıynsha qatty jel soǵady.
15 qyrkúıekte túnde Qazaqstannyń soltústiginde, soltústik-batysynda, ortalyqta, shyǵysynda, ońtústik-shyǵystyń taýly aımaqtarynda -3°S deıin aıaz bolýy múmkin.