Bul - bes aı ishinde atqarǵan jumystardyń nátıjesi.
Almaty qalasy máslıhatynyń XXV sesıasy barysynda «Almaty qalasyn 2025 jylǵa deıingi damytý baǵdarlamasy jáne 2030 jylǵa deıingi orta merzimdi perspektıvalar» (budan ári – damý baǵdarlamasy) bekitildi. Otyrysqa Almaty qalasynyń ákimi Erbolat Dosaev, ákimniń orynbasarlary, basqarma basshylary, máslıhat depýtattary, Qoǵamdyq keńes músheleri jáne sarapshylar qaýymdastyǵynyń ókilderi qatysty, dep habarlaıdy Almaty-akshamy.kz.
Damý baǵdarlamasyn daıyndaý kezinde qoldanystaǵy strategıalyq josparlar, halyqaralyq tájirıbe, álemdik megapolısterdi damytý qaǵıdattary zerdelendi, qala ómiriniń barlyq salalaryndaǵy ahýal taldandy, syn-qaterler eskerildi, turǵyndardyń myńdaǵan ótinishteri óńdeldi.
Damý baǵdarlamasy - Almaty ákimdiginiń jáne túrli qyzmet salalarynan tartylǵan mamandanǵan 130-dan astam sarapshylardyń 5 aı ishinde atqarǵan jumystarynyń nátıjesi. Baǵdarlama Almaty turǵyndarynyń usynystaryna negizdeldi - aǵymdaǵy jyldyń shilde aıynda qala turǵyndary damý baǵdarlamasynyń negizgi basymdyqtaryna 1280 túsinikteme jiberdi. Óziniń sózinde Erbolat Dosaev Almatynyń barlyq turǵyndaryna baǵdarlamany taldaýǵa belsendi qatysqandary úshin alǵys bildirdi.
Damý baǵdarlamasynyń bazalyq qaǵıdattary - jaıly qalalyq orta qurý jáne Almatynyń barlyq aýdandarynda ómir súrý sapasyn arttyrý bolyp tabylady.
Damý baǵdarlamasynda 7 negizgi baǵyt aıqyndalǵan:
- Jaıly qalalyq orta;
- Ornyqty ekonomıkalyq ósý;
- Basqarylatyn ýrbandalý;
- Áleýmettik ornyqtylyq pen turaqtylyq;
- Jasyl Almaty;
- Smart sıtı;
- Qaýipsiz qala.
Otyrys barysynda baǵyttardyń árqaısysy týraly Almaty ákiminiń orynbasarlary men sıfrlandyrý basqarmasynyń basshysy tolyq baıandady.
«Almaty qalasyn 2025 jylǵa deıingi damytý baǵdarlamasy jáne 2030 jylǵa deıingi orta merzimdi perspektıvalar» Almaty qalasy saıtynda jarıalandy.
Sonymen qatar sesıada birqatar normatıvtik-quqyqtyq aktiler qabyldandy.