Vırýsolog vaksınalar arasyndaǵy ýaqyt aralyǵyn saqtaýǵa keńes beredi
«Spýtnık V» nemese «Spýtnık Laıt» alǵannan keıin sheteldik vaksınany tek 3-4 aıdan keıin ǵana alýǵa bolady. Vaksınany tym jıi alý er adamdarda mıokardıttiń damý qaýpin arttyrýy múmkin ekenin RAN akademıgi, vırýsolog Vıtalıı Zverev aıtty. Bul týraly ol «Izvestıa» basylymyna bergen suhbatynda aıtqan, dep habarlaıdy Almaty-akshamy.kz
«Mundaı jaǵymsyz saldar ǵalymdar ustanýǵa keńes bergen aralyq saqtalmaǵan kezde bolýy múmkin ekenin nazarǵa alý kerek. Bizdiń vaksınalar úshin, onyń ishinde «Spýtnık» úshin, bul merzim – jarty jyl. Jalpy, qaýipsiz revaksınasıany 3-4 aıdan keıin alýǵa bolady, biraq odan erte alǵan durys emes», - dep atap ótti ol.
Ol sheteldik mamandardyń zertteýlerin mysalǵa keltirdi. Olar «sheteldik apparattarmen jıi vaksınalanýdyń qaýipti ekenin eskertedi, sebebi onyń saldarynan mıokardıt paıda bolýy múmkin», - dep keltirilgen Izraıl statısıkasynyń mysalynda.
Izraıldiń Densaýlyq saqtaý mınıstrliginde vaksınanyń úshinshi dozasyn alǵannan keıin mıokardıttiń paıda bolý qaýpiniń joǵary ekenin naqtylady. Sonymen birge eldiń dárigerleri tórt aıdan kem bolmaıtyndaı merzimnen keıin býster jasaýǵa shaqyrady. Mundaı keńesti DDSU da usynǵan bolatyn.