Qordyń aktıvteri 55,3 mlrd dollarǵa deıin tómendedi.
QR Ulttyq bank tóraǵasy Ǵalymjan Pirmatovtyń aıtýynsha, 2021 jyly Ulttyq qordyń kirisi 4,2 paıyzdy qurady, dep habarlaıdy Almaty-akshamy.kz
«2021 jyly 2,7 trln teńge túsim jáne 4,5 trln teńge transfertterdiń bólinýine baılanysty Ulttyq qordyń aktıvteri 55,3 mlrd dollarǵa deıin tómendedi. Naryqtardyń qubylmalylyǵyna qaramastan, Ulttyq qor kiristiligi 4,2 paıyz nemese 2,3 mlrd dollar kóleminde qamtamasyz etildi. 2022 jyly aktıvterdiń teńgerimdi alokasıaǵa ótýi aıaqtalady jáne aksıalar naryǵynyń tómendeý áserin barynsha azaıtý úshin qorǵaý jáne balansqa keltirý strategıalary engiziledi», - dedi Ǵalymjan Pirmatov.
Onyń aıtýynsha, 2021 jyly memlekettik boryshty, valútalyq ıntervensıalardy jáne Úkimettiń shottary boıynsha basqa da operasıalardy tóleý úshin erkin konvertasıalanatyn valútadaǵy aktıvterdiń qysqarýyna baılanysty altyn-valúta rezervteri 34,4 mlrd dollarǵa deıin 1,3 mlrd dollarǵa tómendedi.
«2021 jyldyń qorytyndysy boıynsha, jalpy halyqaralyq rezervter 89,7 mlrd dollardy qurady», - dedi UB tóraǵasy.