Reformalardy iske asyrý jospary 10 kúnnen keıin qaıta talqylanady.
Prezıdent qor jumysyn reformalaýda qandaı máselelerge basty nazar aýdarý kerektigin qaıtalap eske saldy, dep habarlaıdy Almaty-akshamy.kz
QR Prezıdenti Qasym-Jomart Toqaev Úkimettiń keńeıtilgen otyrysynda «Samuryq-Qazyna» ulttyq ál-aýqat qoryn reformalaý máselesine 10 kúnnen keıin qaıta oralatynyn aıtty.
«Samuryq-Qazyna» qory boıynsha, reformalardy iske asyrý josparyn 10 kúnnen keıin qaıta tolyǵyraq talqylaıtyn bolamyz. Ol reformalar óte mańyzdy. Men Májilistiń otyrysynda sóılegen sózimde qordy shyndap qaıta qurylymdaý qajettigine basa nazar aýdardym», - dedi Memleket basshysy.
Prezıdent qor jumysyn reformalaýda qandaı máselelerge basty nazar aýdarý kerektigin qaıtalap eske saldy.
«Birinshiden, bul, árıne, memlekettik satyp alýdyń ashyqtyǵy. Bul týraly men osymen úshinshi jyl aıtyp kelemin. Ázirge shynaıy ózgeristerge qol jetkizile qoıǵan joq. Onymen birge bul tenderdi ashyq ótkizýge de baılanysty. «Samuryq-Qazyna» qurylys jáne qaıta jaraqtaý salasynda aýqymdy jumys atqarady. Ádette belgili bir kompanıalar ǵana tenderdi utyp, keıin jumysty qosalqy merdigerlerge beredi. Bul, árıne, birinshiden, jumystyń sapasyna, ekinshiden, baǵa ólshemderine qatty áser etedi», -dedi Qasym-Jomart Toqaev.