Qozǵalys qarqyndylyǵy joǵary respýblıkalyq kúre joldarda jańa jerústi jaıaý júrginshiler ótkelderi salyndy, dep habarlaıdy Almaty-akshamy.kz BAQ.KZ-ke silteme jasap.
Máselen, Almaty oblysynda ornalasqan qozǵalys qarqyndylyǵy joǵary «Almaty-Bishkek» jáne «Almaty-SHelek-Qorǵas» kúre joldarynda bes jańa jerústi jaıaý júrginshiler ótkeli salynyp, qoldanysqa berildi.
Joldy qaýipsiz ótýge múmkindik beretin jerústi jaıaý júrginshiler ótkelderi «Almaty-Bishkek» tasjolynyń 23, 24, 28, 45-shaqyrymdarynda jáne «Almaty-SHelek-Qorǵas» kúre jolynyń 33-shaqyrymynda paıda boldy. Jańa jer ústi jaıaý júrginshiler ótkelderiniń qasynda Qumtoǵan, Almabalyq, Qasymbek, Báıterek eldi mekenderi jáne Kerýen avtostansıasy ornalasqan, - delingen kompanıa taratqan aqparatta.
Qurylys barysynda erekshe qajettiligi bar jandarǵa qolaıly jaǵdaı jasaýǵa basa kóńil bólindi. Jańa jasandy qondyrǵylarda pandýstar jáne arnaıy platformalar bar. Al jaıaý júrginshilerdiń yńǵaıy úshin baspaldaqtardyń ústinde arnaıy shatyrlar qarastyryldy. Sonymen qatar túngi ýaqytta paıdalanýshylardyń qaýipsizdigin qamtamasyz etý úshin zamanaýı jaryqdıodty shamdar ornatyldy.
Jańa tıptegi jerústi jaıaý júrginshiler ótkelderiniń qyzmet etý merzimi keminde 15 jyl.