Ońtústik Koreıada orman órtenip jatyr. Lapyldaǵan ot el astanasy Seýlden 160 shaqyrym qashyqtyqta bastalǵan, dep habarlaıdy Almaty-akshamy.kz «Habar24»-ke silteme jasap.
Qaýip tóngen aýdandardan adamdar jappaı kóshirilip jatyr. Tilsiz jaýdy aýyzdyqtaýǵa júzdegen órt sóndirýshi jumyldyrylyp, arnaıy tehnıka tartyldy. Órtti sóndirýge ekpindi jel men qurǵaqshylyq kedergi keltirýde. Ázirge zardap shekkender týraly aqparat túsken joq.
Qytaı shekarasynda da alapat órt tirkeldi. Tilsiz jaý eldiń soltústiginde İshki Mońǵolıa avtonomdy aýdanyn sharpyǵan. Qytaıdyń Tótenshe jaǵdaılar qyzmeti órt oshaǵyn sóndirýge bar kúshin salyp, ondaǵan qutqarýshy jumyldyrylǵan. Mamandar apatqa óńirdegi qýańshylyq sebep bolýy múmkin dep otyr.
Aıta keteıik, osy demalysta tilsiz jaý Sýhe-Bator provınsıasynda da bolǵan edi. Endi lapyldaǵan ot basqa aýdandarǵa tarap jatyr. Shyǵyn kólemi men zardap shekkender jaıly málimetter anyqtalýda.