Jol qyzmetteri táýlik boıy jumys isteýde.
Respýblıkalyq mańyzy bar avtojoldardyń ulttyq operatory qys mezgilinde kúre joldardy qardan tazalap, kútip-ustaý jumystary úshin qajet arnaıy tehnıkany, 400 óndiristik baza men qoımany, 125 jylytý pýnktin daıyndady, dep habarlaıdy Almaty-akshamy.kz.
Kóktaıǵaqqa qarsy materıaldardy daıyndaý jumystary jalǵasýda, atap aıtqanda —120 myń sharshy metr qum, 23 myń tonna tuz, 1200 tonna hımreagent qospalary daıyndalýda. Sonymen qatar qalyń qar basý qaýpi joǵary ýchaskeler anyqtaldy. Olardyń jalpy uzyndyǵy 3 myń shaqyrymdy qurap otyr. Qysqy kútip-ustaý jumystary aıasynda bul ýchaskeler erekshe baqylaýda.
Respýblıkalyq mańyzy bar joldardy qoldanýshylar qys mezgilinde alys saparǵa attanarda kólikti ábden daıyndaýy qajet.
Kún raıynyń buzylýy men aýa temperatýrasynyń tómendeýine baılanysty jazǵy avtomobıl shınalaryn qysqy shınalarǵa aýystyrý mańyzdy.
Alys saparǵa attanar aldynda kóliktiń tehnıkalyq jaı-kúıin jáne janarmaı mólsherin tekserý kerek.
Aýa raıy kúrt nasharlaǵanda, jol qozǵalysy erejelerin qatań túrde saqtaǵan abzal.
Kólikte qalyń kıim men medısınalyq alǵashqy kómek qorapshasy bolýy kerek.
Aýa raıy boljamyn jiti qadaǵalap, daýyldy eskertý týraly habarlamalardy tyńdaý qajet.
Shtattan tys jaǵdaı týyndasa, respýblıkalyq avtojoldardy paıdalanýshylar "QazAvtoJol" ulttyq kompanıasynyń biryńǵaı táýlik boıy jumys isteıtin 1403 koll-ortalyǵyna júgine alady.