Maqsat – qazaq halqynyń óneri men mádenıetin jan-jaqty nasıhattaý.
Almatyda memlekettik tilde erkin sóıleıtin ártúrli ult oryndaýshylarynyń qatysýymen festıvál ótti, dep habarlady Almaty-akshamy.kz.
Atalmysh sharaǵa qazaq ulttyq aspaptaryn jetik meńgerip, memlekettik tilde erkin sóıleıtin ártúrli ult oryndaýshylary qatysty.
«Atap aıtqanda, Jambyl atyndaǵy Qazaq memlekettik fılarmonıasynyń sahnasynda Oleg Nıkıtın dombyrada Qurmanǵazynyń «Adaı» kúıin, Babek Iyldyrym qobyzda «Qarakemer» kúıin oryndap, halyqty tánti etti. Denıs Iakovlev halyq áni «Eki jırendi», opera ánshisi Angelına Iýgaı «Qýanamyn» ánin, Roksana Qurbanova halyq áni «Arman-aıdy» kórermenderdiń erekshe qoshemetine bólene otyryp oryndady, sondaı-aq basqa da ártister tamasha óner kórsetti. Konserttik baǵdarlama Igor Blagodarnyıdyń oryndaýyndaǵy «Atameken» ánimen aıaqtaldy», - delingen Mádenıet jáne sport mınıstrliginiń baspasóz qyzmetiniń habarlamasynda.
İs-sharanyń negizgi maqsaty – Qazaqstanda turatyn etnıkalyq toptar arasynda qazaq halqynyń óneri men mádenıetin jan-jaqty nasıhattaý, oryndaýshylardyń kásibı sheberligin arttyrý.