Kezekti sheshim 5 jeltoqsan kúni jarıalanady.
Ulttyq banktiń basqarma tóraǵasy Ǵalymjan Pirmatov 2023 jyly da qarjy retteýshisiniń aqsha-kredıt saıasaty qatańdaýy múmkin ekenin aıtty, dep habarlaıdy Almaty-akshamy.kz QazAqparatqa silteme jasap.
«2023 jyldan bastap ınflásıany josparly túrde tómendetý úshin qajetti bazalyq mólsherleme deńgeıine barynsha naqty baǵalaý júrgiziledi. Bazalyq mólsherlemeniń aǵymdaǵy kóterilý mólsheri jetkiliksiz bolǵan jaǵdaıda Ulttyq bank aqsha-kredıt talaptaryn odan ári qatańdatý múmkindigin qarastyratyn bolady. Bul senarıdiń yqtımaldyǵy joǵary dep baǵalanýda», - dedi ol Ulttyq banktiń arnaıy brıfıńinde.
Ǵalymjan Pirmatov jyl sońyna boljanyp otyrǵan ınflásıa men aqsha-kredıt talaptarynyń baǵalaýlaryn eskergenderin, bazalyq mólsherlemeniń taǵy da kóterilýi múmkin ekenin aıtady.
«Bazalyq mólsherleme boıynsha kezekti sheshim 2022 jylǵy 5 jeltoqsanda Astana qalasynyń ýaqyty boıynsha saǵat 14:00-de jarıalanady», - dedi Ulttyq bank basshysy.