Respýblıkalyq búdjettiń tapshylyǵy 1,5 trln teńge jaqyndady.
Bul jaıynda Ulttyq ekonomıka mınıstrliginiń 6 aıdaǵy áleýmettik-ekonomıkalyq kórsetkishter týraly anyqtamasynda aıtylǵan, dep habarlaıdy Almaty-akshamy.kz QazAqparatqa silteme jasap.
«2023 jylǵy qańtar-mamyrda memlekettik búdjetke 9 trln 942,6 mlrd teńge túsken. Onyń ishinde transfertti esepke almaǵandaǵy kirister – 8 trln 29,1 mlrd teńgeni qurady. Shyǵystar 10 trln 594 mlrd teńge boldy. Onyń ishinde shyǵyndar – 9 trln 997,9 mlrd teńge bolsa, tapshylyq – 651,4 mlrd teńgege jetti», - dep jazylǵan qujatta.
Al respýblıkalyq búdjetke 7 trln 568,9 mlrd teńge túsim kirip, 9 trln 51,8 mlrd teńge shyǵys shyqqan. Onyń 1 trln 482,9 mlrd teńgesi – tapshylyq.
«1 sáýirdegi jaǵdaı boıynsha Qazaqstannyń memlekettik boryshy 26 418,9 mlrd teńgeni (59 mlrd AQSH dollary) nemese boljamdy JİÓ-niń 21,9%-ine teń boldy. Memlekettik boryshtyń 86%-in Úkimettiń boryshy (22 718 mlrd tg nemese boljamdy JİÓ-niń 18,8%) alyp otyr.1 sáýirdegi jaǵdaı boıynsha kepildikter men kepilgerlikterdi qosa alǵandaǵy memlekettik borysh 2023 jyldyń basymen salystyrǵanda 4,1% ulǵaıyp, 27 trln 728,4 mlrd teńgege jetti. Onyń ishinde ishki borysh – 18 013,4 mlrd teńge nemese boljamdy JİÓ-niń 14,9%-ine, syrtqy borysh – 9 trln 715 mlrd teńge nemese 8,1%-ine teń», - delingen mınıstrlik málimetinde.