Sebebi, ondaǵy memlekettik arhıvter 100% tolǵan.
Mundaı derekter Mádenıet jáne sport mınıstrligi jarıalaǵan retteýshilik saıasattyń konsýltatıvtik qujatynda keltirilgen, dep habarlaıdy Almaty-akshamy.kz QazAqparatqa silteme jasap.
«Búgingi tańda respýblıka boıynsha arhıv qoımalary júktemesiniń ortasha kórsetkishi - 91,2%. 2022 jyly ol 88,2% bolǵan edi. Bul rette 13 oblystyń (Almaty, Aqmola, Aqtóbe, Atyraý, Jambyl, BQO, Qostanaı, Qyzylorda, Mańǵystaý, Pavlodar, SQO, Túrkistan, Abaı) memlekettik arhıvi 100%-ǵa tolǵan. Mysaly, Aqtóbe oblysynyń memlekettik arhıvi 135% aýzy-murnyna deıin toldy. Orta eseppen jyl saıyn memlekettik arhıvter 350-den 400 myńǵa deıin isti saqtaýǵa qabyldaıdy. Memlekettik arhıv oqý zaldary arqyly paıdalanýshylarǵa 1 mln-nan astam is beriledi. Máselen, 2022 jyly memlekettik saqtaýǵa 354 803 qujat qabyldandy. Bıyl 1 toqsanda 71 139 qujat tapsyryldy», - delingen esepte.
Málim bolǵandaı, Qazaqstanda belgilengen merzimnen artyq ýaqyt saqtalyp turǵan 1 mln 724 myń 387 qujat bar.
«Bolashaqta bul qujattar memlekettik arhıvte bos alańdardyń bolmaýyna baılanysty memlekettik saqtaýǵa qabyldanbaýy múmkin. Qalyptasqan jaǵdaı ulttyq arhıv qorynyń jáne jeke quramnyń saqtalýyna qaýip tóndiredi», - dep másele kóterilgen konsýltatıvtik qujatta.