Almaty qalasynyń «Shugyla City» turǵyn kesheninde Respýblıka kúnine oraı zamanaýı serýen jáne demalys keńistigi ashyldy, - dep habarlaıdy Aqshamnews.kz.
Jańa aımaqtyń uzyndyǵy 370 metr. Munda júrginshilerge arnalǵan aleıa, balalar jáne basketbol alańdary, vorkaýt aımaǵy men shaǵyn amfıteatr ornatylǵan. Sonymen qatar zamanaýı jaryq shamdary, oryndyqtar, qoqys jáshikteri jáne shaǵyn sáýlet elementteri qoıylyp, avtomatty sýarý júıesi engizilip, abattandyrý jumysy júrgizildi.
Bul keńistik aýdan turǵyndarynyń qajettilikterin eskere otyryp jobalanǵan. Maqsat — belsendi demalysqa, sportpen shuǵyldanýǵa jáne taza aýada ýaqyt ótkizýge qolaıly jaǵdaı jasaý. Joba Naýryzbaı aýdanyndaǵy jaıly ýrbanıstik ortany damytýǵa jáne abattandyrylǵan qoǵamdyq keńistik sanyn arttyrýǵa baǵyttalǵan.