Ulttyq merekeler men ataýly kúnder tizbesinde 25-qazan Respýblıka kúni ulttyq mereke mártebesine qaıta ıe bolǵan kún.
Respýblıka kúnine oraı Almaty qalasynyń «Dostyq» úıinde memlekettik tildi erkin meńgergen etnos ókilderi men qaladaǵy etnomádenı birlestikterdiń jetekshileriniń qatysýymen «Uly dalanyń ultaralyq tili» atty dóńgelek ústel ótedi, dep habarlaıdy Almaty-akshamy.kz.
Dóńgelek ústelge Qazaqstan halqy Assambleıasynyń músheleri, belsendi til janashyrlary qatysady. İs-sharada memlekettik tildiń qoǵamdyq turaqtylyqty saqtaýdaǵy mańyzy, qazaq tilin ultaralyq qarym-qatynas tiline aınaldyrý týraly óz pikirlerin ortaǵa salady.
Memleket Basshysy – Qasym-Jomart Kemeluly Toqaev halyqqa Joldaýynda «Qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi keledi» degen bolatyn.
Qazaq tiliniń qoldanylýyn damytý, memlekettik til saıasatyn nasıhattaý barlyq qazaqstandyqtarǵa ortaq is.
Almaty qalasy ákimdiginiń is-sharalar josparyna sáıkes qazaq tiliniń qoldanylýyn damytý, memlekettik til saıasatyn nasıhattaý maqsatynda Almaty qalasyndaǵy etno-mádenı birlestikterdiń qatysýymen túrli baıqaýlar men is-sharalar ótkizý dástúrge aınalǵan.
Elimizde ózge ult ókilderiniń ana tilderin saqtaý men damytý maqsatynda etnomádenı birlestikter janynda memlekettik til men ár etnostyń óz ana tilin oqytý kýrstary uıymdastyrylǵan.
Bul is-sharanyń maqsaty - Táýelsiz Qazaqstannyń qol jetkizgen tabystaryn nasıhattaý, qazaqstandyq rýhanı birlikti nyǵaıtý jáne otansúıgishtik sezimdi tárbıeleý, sonymen qatar etnos ókilderiniń qazaqtyń ulttyq mádenıeti men ónerine, ádebıeti men tiline degen yqylasyn arttyrý.
Baılanys telefondary: 8(727)3900172, 3900094.